تعرفى على وجبة الحمام كداب ورز بالخلطه والخضار لغذاء لذيذ

وجبة الحمام كداب ورز بالخلطه والخضار لغذاء لذيذ


المقادير

  •  عدد اوراك مخليه  عدد افراد الاسره 
  •  زيت زيتون او اي زيت 
  • بابريكا 
  • ملح وفلفل 
  • رشه توم بودره
  • فلفل اسمر
  • كوسه وجزر وبطاطس  وفلفل الوان 


الطريقة

عدد اوراك مخليه او حسب عدد افراد الاسره واعمللي معايا الخطوات
التتبيله للوراك بعد غسيلها كويس جدا وننضف الجلد ونكسر العضمه مش هنحتاحها اصلا لاني عايزاه رول ومقفول
هتبلها ف طبق صغير احط زيت زيتون او اي زيت وبابريكا  وملح وفلفل ورشه توم بودره وفلفل اسمر


نسيبها شويه هتنزل ميه كده نصفيها منها نكون مقطعين الخضار اللي نحبه كوسه وجزر وبطاطس  وفلفل الوان ونحطهم ف بايركس
نجهز الرز اللي هنحشيها بيها ونقدمه تحتها


الارز بالخلطه رهيب يا جماعه بجد محتاج منكوا تتعرفوة عليه ومغذي جدا كمان

الارز  بالخلطه



المقادير

  •  كبد وقوانص  بتاعه اربع فرخات 
  • خل ولمون وملح
  • بصلايه كبيره 
  •  معلفه زيت 
  • ذبده 
  •  فصين توم
  • كوب ونص ارز 
  • عود قرفه 
  • شويه بهارات 
  • ورق لاورا وفلفل 


الطريقة

هنجهز كبد وقوانص  اربع فرخات ونغسلتهم بخل ولمون وملح وقطعيهم صغنن وبصلايه كبيره عملاقه وابشريها او ف الكبه وقلبي مع معلفه زيت وذبده ونزللي البصى تشويحه كده ونحط عليه فصين توم


ننزل القوانص ونقلب لحد ما تحسوا انها بتزقزق يغني بدات تنط كده وننزل بالقلوب والكبد ونقلبونكون غسلين كوب ونص  رز مصري  وننزل عليه ف الحله اديني بقي عود قرفه وشويه بهارات وورق لاورا وفلفل وتميه تغطيه ولحد ما يتشرب الميه اخد كام معلقه اللي هحشي بيهم واوطي علي باقي الحله عشان نقدم الوراك عليهم

نحشي انا مخيطهاش انا قفلت بخله وحطيتها من الناحيه المفتوحه علي الخضار واستوت وبقت لوز واغطيها بورق ذبده وفويل وع الفرن يتاخد ساعه المهم الفرن يكون سخن قوي وتبقي ف

النص 



وبعد كده نشيل الورق وندهنا معلقه صلصه وزيت زيتون ومعلقه هوت صوص وفلفل اسمر ودخليها تاني عشان الميه تنشف منها وناخد لون نص ساعه وتحت الشوايه دقيقتين   وتتفدم مع الرز لما يستوي




المصدر:Let’s Cook – يلا نطبخ

أضف تعليق