تعرفى على وصفة برجر الفراخ بطريقة لذيذة وجديدة لغذاء سريع

 وصفة  برجر الفراخ بطريقة لذيذة وجديدة لغذاء سريع


مبدايا دي طريقه امي بتعملها من زمان كده وهيا اللي عملاها بايديها ف المفرمه ربنا يخليها ليا


المقادير

  •  كيلو  صدور فراخ 
  •  وركين كمان 
  • معلقه  كبيره من بصل بودر وتوم بودر 
  • بصلايه كبيره او اتنين وسط 
  • معلقه زعتر كبيره 
  • معلقه بابريكا 
  • اربع معالق من المسطرده 
  • فلفل اسمر
  • معلقتني كبار نشا 
  • معلقه بيكنج بودر 
  • ملح حسب زوقك


الطريقة

جبنا كيلو  صدور فراخ وحطيت وركين كمان عليهم خليتهم من العضم وحطيت كمان جزب من الجلد  الخفيف ده ليه بقي
هنا مش هنحط بطاطس مهروسه ولا بياض بيض ولا اي حاجه عشان تمسكها او تخللي البرجر يفك تمام الاضافات بقي هنحط علي الكميه دي ايه بقي معلقه  كبيره منربصل بودر وتوم بودر وبصلايه كبيره او اتنين وسط ومعلقه زعتر كبيره ومعلقه بابريكا واربع معالق من المسطرده وفلفل اسمر ومعلقتني كبار نشا ومعلقه بيكنج بودر ملح حسب زوقك
ليه استخدمنا الوراك والصدور هتبقي چوسي اكتر مش هتنشف اابرجر وطعمه هيبقي زي الجاهز
مهم جدا نعرف انه ميه البصل هتخليه يفك يعني نفرم البصل ونحط سنه ماح ونصفيه من ميته تمام كده


هنفرم الفراخ بعد ما تتغسل اهم حاجه بالخل والليمون والدقيق والماح انقعيها  شويه كتير وع المفرمه هيا والبصل والجلد والملح والحركات كلها ماعدا المسطرده هنحطها ف التلاجه ساعتين وبعدين نحط المسطرده عليها ونبدا ف تشكيلها  وطبعا نجرب واحده الاول قبل تشكليها عشان نشوف الماح بتاعها وناقصها حاجهووبعدين نشكل الباقي وبينهم ورق ذبده وع الفريزر طبعا كام ساعه وبعدبن تستوي


طريقه السوا

سنه زيت ف جريل او طاسه تيفال وننزل البرجر وندوي عليه عشان يستوي حلو من كل الجهات ونقلبه لما ياخد لون ونجهز الساندوتش بقي نحمص وش الكايزر  بسنه زيت ف نفس الطاسه ونجهز بقي


 الصوص

معلقتين كاتشب
معلقتن مسطرده
وسنه خل
ومعلقه سكر
ومعلقتين كبار مايونيز
معلقه بابريكا
ومعلقه  زيت ذره
معلقه توم بودر وبصل بودر
ولو محتاجه ملح حطي دوقيها الاول
وحطي ف الساندوتش ومعاها خيار او جبنه شيدر الموجود والمتاح عندك والف هنا جربوها يا رب تعجبكوا
المصدر : Let’s Cook – يلا نطبخ

أضف تعليق