تعرفى على وصفة ميني تشيز كيك اللذيذة للضيوف

 وصفة ميني تشيز كيك اللذيذة 


المقادير 

  •  كيسين من البسكوت غندور سعره مناسب 
  •  كوب ونص بسكوت مطحون
  •  تلت ذبده سايحه 
  •  ورق الكب كيك 


الطريقة 

استخدمت بسكوت غندور سعره مناسب وطعمه حلو
استخدمت كيسين من البسكوت عملت 12واحده كوب ونص بسكوت مطحون وعليه تلت ذبده سايحه وقلبتها وحطيت ورق الكب كيك ومتلقه كبيره من البسكوت فيها ودوست عليها كويس وسخنت الفرن ودخلتها عشر دقايق وخرجتها تهدي خالص


الطبقه التانيه
عملت كريم تشيز بودر كوب وضربته مع كوب ميه متلجه ونص باكت من كريم كراميل وعليه تلت كوب سكر واضرب كويس  وانزل بيضتين واحده واحده واضرب والفانيلا وانزل شوكولاته  متسيحه علي حمام ميه وفيها نص معلقه ذبده  تقريبا 100جم نص كوب واحطها ف كيس وانزلها ف القوالب 

ادخلها الفرن تقريبا ربع ساعه او 20دقيقه تمسك الحروف كده وخدي بالك هيا هتعللي شويه اعملي حاسبك 
وتخرج تهدي خالص ودخليها التلاجه ساعه تتماسك وتبقي ساقعه طعمها احللي


التوبينج بقي انتي وزوقك انا استهدمت ذبده فول سوداني كريمي وسيحتها علي حمام ميه وكراميل وعملناه فالبيت قبل كده وصوص شوكولاته من اللي سيحتها دي وصوص فرواله انتي واللي تحبيه


طعمها مميز جدا ولطيفه لو عندك ضيوف تجهزيها

المصدر:Let’s Cook – يلا نطبخ

أضف تعليق