تعرفى علي طريقة عمل الكعك المنقوش بالعجوه للعيد

الكعك المنقوش بالعجوه


المقادير

  • 3كوب دقيق
  • كوب ذبده علي سمن سايحه
  • معلقه بيكنج بودر
  • بيضه واحده بدرجه حراره المطبخ
  • معلقه محلي
  • رشه ملح وفانيلا
  • معلقتين كبار من السكر البودره
  • عجوه بالسمسم للحشو
  • ميه للعجن
  • المقدار ممكن نضاعفه زي ما نحب


الطريقة 

ندفي السمن وننزله ع الدقيق ونبسه كويس ندعكه ببطن ايدك وننزل البيضه بعد ما نسيبها شويه بصراحه كنت قبل الفطار وسيبتها ف السمن  والدقيق ساعه ونص بجد فرق ف نعومته جدا وبعدها ننزل البيضه والبيكنج بودر والملح والفانيلا ونقلب ونعجن بالميه واحده واحده


نتبقي عجينه ناعمه نعمل كور ونفردها مستطيل صغير ونحشيها ونلفها دايره ونقفلها وبعدين ننقشها بالمنقاش بتاع الكحك ونسويها علي فرن 180درجه تلت ساعه ونحمر الوش دقيقتين  وتخرج تهدي نرشها بالسكر


العجوه انا جبتها وحطيت سمنه بلدي ف طاسه وعليها السمسم وقلبتها وشويه المحلب بيدي ريحه تجنن وطعم رهيب ولو عندك ريحه كحك حطي معلقه صغيره  


والهنا والشفا

المصدر: Let’s Cook – يلا نطبخ

أضف تعليق