تعرف على مين وايه المتحكم في ثقتنا في نفسنا من عدمها؟

مين وايه المتحكم في ثقتنا في نفسنا من عدمها؟ 

تعرف على مين وايه المتحكم في ثقتنا في نفسنا من عدمها؟



” لا تدع أحدًا يخبرك أنك لا تستطيع فعل شيئا ما، ولا حتى أنا!
=حسنًا

_إذا كان لديك حلم يجب عليك حمايته، الناس لا يستطيعون فعل شئ، هم فقط يخبروك أنك لا تستطيع القيام بذلك…لذا إذا كنت تريد شيئًا، فابحث عنه فترة حتى تحصل عليه!

ويل ثميث في المشهد ده لمس حتة مؤثرة وحساسة جدًا جوه كل واحد مننا وهى (الثقة بالنفس)كام مرة ثقتنا في نفسنا بتضعف، وبنقرر منخرجش بره منطقة الراحة؟!
طب متخلينا نشوف إيه المتحكم في ثقتنا في نفسنا من عدمها؟🤔

من وجهة نظري المتحكم الرئيسي هم حاجتين:
1_ الـBelieves System
2_ والـ Self Image

تعرف على مين وايه المتحكم في ثقتنا في نفسنا من عدمها؟


طب خلينا نشرحهم واحده واحده..
مبدأيًا، إنت مؤمن بإيه، إيه الـBeliefs بتاعتك؟من أول ما بتتولد بيبدأ الـBelieves system الخاص بيك يتكشل جواك.

ثواني،إيه الـBelieves system ده؟! 🙄
الـBelieves system هى الحاجات الى إنت مؤمن بيها، تقدر تقول نظرتك للعالم من حواليك.وبيتكون عن طريق المعلومات اللي بتدخل لعقلك عن طريق حواسك الـ5 وبتروح تلقائيا لعقلك اللاواعى وبتتحول لمعتقد وبيتخزن في الـBelieves system عندك، وكذلك كل التجارب اللي إنت مريت بيها في حياتك.



الـBelieves system هو أساس عالمك الداخلي، هو اللي بيخليك تاخد قرار معين ومتاخدش غيره.إنك مؤمن بشئ ده معناه إنك واثق فيه بدون ما تحتاج أي دليل مادي،  عشان كده بيقولوا إن أفكارك هى اللي بتخلق واقعك، لأن كل حاجة بتؤمن بيها أو بترددها كتير بتتحول لمعتقد راسخ جواك.

يعني مثلًا، لو إنت عندك إيمان من جواك إنك هتنجح، يبقى هتنجح.. ولو عندك ايمان إنك هتفشل، هتفشل… بسيطة!يعني الموضوع في الأول والآخر بإيدك، ازاى؟
إنت لو مؤمن إنك تقدر تعمل حاجة معينة، هتنحت في الصخر وهتعمل المستحيل عشان توصلها، على العكس لو إنت مش مؤمن بده فإنت هتخترع ألف سبب وسبب عشان متعملش الحاجة دى، وهتلاقي مبررات فعلًا.🙃

تعرف على مين وايه المتحكم في ثقتنا في نفسنا من عدمها؟




فبالتالي الـBelieves هى اللي بتحركنا شمال ويمين.
كمان بتأثر على فهمنا لنفسنا والعالم اللي حوالينا، وعلى طريقة تفاعلنا مع نفسنا والعالم.وفي نفس الوقت بتشكل أهم حاجتين في حياتنا وهم الـself image، والـ Social image.


طب واحده واحده…
نمسك الـSelf image الأول
تعرف إيه عن نفسك يا مرسي؟!🤔انا معرفش، انا لو اعرف هقول على طول!
كل واحد مننا عنده حاجة خاصه بيه اسمها الـ(self image_ الصورة الذاتية)
يعني ببساطة عنده تصور جواه عن نفسه، وشكله، وصفاته، وأفكاره وقدراته.. التصور ده عبارة عن نظارة بيشوف بيها نفسه والعالم من حواليه وبتتحكم فيه.


طب وازاى بيتكون؟
الـSelf image بيتكون من يوم ما بنتولد وبيتغير على مدى حياتنا، وبيتكون من خلال الناس الى قابلنهم على مدار عمرنا،  والطريقة اللي بيعاملونا بيها، والكلام الى بنسمعه منهم، فبالتالي المواقف اللي بتدور حواليك سواء حلوة أو حشة هى اللي بتكون افكارك عن نفسك


 الـ Self image بتتحكم في طريقة رؤيتنا لنفسنا والعالم من حوالينا، وبالتالى بتتحكم في شغلك وعلاقاتك واختيارتك وحياتك بكل ما فيها من غير ما تحس بيها.
زى مثلًا، لو إنت شايف نفسك محبوب هتقدر تختلط بالناس بسهولة وتتعرف عليهم، ولو انت مش واثق في نفسك مش هتقدر تختلط بالناس اصلا!

تعرف على مين وايه المتحكم في ثقتنا في نفسنا من عدمها؟



ولو شايف نفسك قوى ومتمكن من شئ هتقدر تعمله بمنتهى السهولة، لكن لو شايف نفسك ضعيف في حاجة صعب جدًا تعملها، بس مش مستحيل.😉 الـSelf image مبنية على نقاط قوتك وضعفك، وتجاربك في الحياة وطريقة إدراكك للواقع، ورأى المجتمع والناس فيك.


طب هى نقاط القوة والضعف اتشكلت منين؟
نقاط القوة بتتشكل من خلال تجربة ناجحة مريت بيها،  علي عكس نقاط الضعف اللي بتتشكل من خلال تجربة فاشلة مريت بيها.يعنى لو عايز اغير نقطة ضعف احاول واجرب نفس التجربة دي وانجح فيها،  وبكده نقطة الضعف هتتهد واحده واحده وتتحول لنقطة قوة! ✌🏻



الخلاصة: الـSelf image هى محور حياتك، الـSelf image تقدر ترفعك لسابع سماء، أو تخسفك لسابع أرض، وانت المتحكم في كده، الموضوع في الأول وفي الآخر بإيدك.😎


المصدر:Skillaya

أضف تعليق