جدول وصفات و مشروبات خلال شهر رمضان

جدول وصفات و مشروبات خلال شهر رمضان 


هنتكلم عن وصفات تنفع مع بعض وانا شخصيا مش بعمل اكل بكميات بس بعمل جديد كل يوم عشان الاكل ميتبقاش منه بعمل صنف ومعاه شوربه ومعاه سلطه او مقبلات وطبعا بروتين ومشروبات اكيد احنا ف رمضان

المشروبات 

  • الاساسي عندي  البلح باللبن
  • سوبيا
  • تمر علي كركديه
  • عصير ليمون بالنعناع
  • اي عصاير فريش
  • بلاش سكريات كتير اول ما نبدا الفطار المعده بتكون فاضيه


الشوربات

  • لسان عصفور
  • شعريه بالجزر
  • شوربه طماطم او بصل
  • شوربه مشروم بالكريمه
  • شوربه فريك بعملها عادي لوحده
  • شوربه مكرونه محمره
  • شوربه برغل ودي هنزلها باذن الله
  • اي انواع تفضلوها تاني وبكميات بسيطه يا ريت


الطبق الرئيسي 

  •  كوارع ومعاها فته دي اكله دسمه
  • بط ومعاه محشي اي انواع تفضلوها
  • عكاوي طاجن وجنمه محشي ورق عنب
  • حمام محشي فريك او رز ومعاه ملوخيه
  • سمك وبفضل اعمله مره ف الاسبوع وبغير  ف النوع ده لازم
  • ارانب للي بيحبها مفيده جدا وخفيفه
  •  الفراخ بانوعها مشويه او محمره او فرن
  • كبده بالرده او مشويه او بانيه
  • لحمه ممكن نطبخ عليها او نعملها كباب او حتي طاجن بالبصل او ورقه لحمه او مع فته بالخل والتوم
  • اللحمه المفرومه دي بتدخل ف اكلات كتير منها البشاميل والكبيبه والكفته المشويه
  • البانيه صدور الدجاج وصفاتها كتير ومختلفه ممكن شاورما او جوه رقاق طري او بالصوص بيكاتا 


السلطات 

  •  سلطه خضرا
  • سلطه فاصوليا بيضا
  • سلطه زبادي
  • سلطه طخينه
  • حمص وتبوله
  • سلطه فتوش
  • وكتيير بجد حسب الاكل نعمل السلطه


النشويات 

ودي بقي حسب الاكله بتاعتك او البروتين اللي هتقدميه

  •  رز ابيض او احمر او بني
  • رز بشعريه لو طبيخ او اكله مصريه اصيله
  • ممكن نعمل الفريك زي الرز كده
  • المكرونات بانواعها بشاميل ولازانيا وباستا وطاجن بالجبنه
  • البطاطس وهيا الراعي الرسمي لاكلاتنا باس شكل بجد ممتعه


الحلويات

  • بسبوسه
  • كنافه باشكالها
  • جلاش باشكاله
  • رموش الست
  • لبنيه
  • عيش السرايا
  • صوابع زينب
  • بلح الشام


افتكر كده الشهر هيخلص واحنا بنعمل اكله كل يوم غير التانيه وبشكل مفيهوش اسراف الا لو عندك عزومه بتختاري حاجتين مع بعض ومش بكثره وبتبقي وجبه متكامله ومشبعه حسب عدد افراد الاسره

كل سنه وانتوا اقرب الي الله وكل عام وانتوا بخير اعاده الله علينا باليمن والبركات
المصدر:Let’s Cook – يلا نطبخ

أضف تعليق