زوجى العزيز انت ليك دور فى تكوين شخصية أولادنا

سوف نتناول اليوم فى موقعكم المفضل يفيدك عن ..دور الاب فى تكوين شخصية الابناء أن تلقى اعجابكم بأذن الله


رسالة_لكل_أب


عارف وفاهم ومقدر انك بترجع من شغلك تعبان ومش شايف قدامك وفي دماغك مليون حاجه،،، ما أنا أب زيي زيك وبنصحك وبنصح نفسي 😊

بس لازم تعرف انك كأب لك دور مهم وأساسي في تكوين شخصية أولادك ،، ومن خلالك مراحل نموهم جسدياً وعقلياً بتتكون وعلاقتهم بيك بتزيد 👌،، يعني الموضوع مش مجرد فلوس ومصاريف وبس.

كل علماء النفس والتربويين ،،أكدوا ان مشاركة الأولاد أوقاتهم شيء مهم وضروري من خلال اللعب معاهم

أيوا.. اللعب معاهم متستغربش ،، ولا تقول دا كلام سلوكي وكله في الفاضي ..ولا تقولي انا اشتريت العاب كتير ليهم يلعبوا بيها افضل ،، كل دا مينفعش من غيرك 👉

عارف ان النبي صلي الله عليه وسلم قد جعل من نفسه كالفرس للحسن والحسين ،، تخيل بقا سيد الخلق بيداعب الاطفال ليقينه بمدي اهميته للطفل نفسياً،، احنا فين من سيد الخلق صلوات ربي وسلامه عليه

تعالي بقا أقولك ايه أهمية اللعب مع اولادك؟


*اللعب بيقوي علاقتك بيهم.

*اللعب تقدر من خلاله توصل مفاهيم تربويه وثقافيه ليهم ،، متبقاش العلاقة بينك وبينهم مجرد امر ونهي.

*اللعب بينمي حواس الطفل وذكائه ومهارات التعبير عن أفكاره ومشاعره.

*اللعب بيساعدك علي القرب منهم وزيادة ثقتهم فيك في مجتمع محتاجين فيه لكل ذرة ثقة.

*اللعب بيصنع ذكريات جميلة بينك وبينهم.

*اللعب هيخليك تتابع تطور قدراتهم وتفهمهم اكتر ،، وتعرف كل مخاوفهم ومشاعرهم،، وبالتالي هيكون مردوده علي نفسيتهم افضل جداً.

*اللعب هيزود من رصيدك وحبهم ليك ❤️

زمان كان الاب هو المصدر الاساسي للتربية بجانب الام ،،، للأسف الدور دا بدأ يقل بالتدريج داخل واقع اجتماعي بيتغير بسرعة مذهله ،، وبدأ دور الاب ينحصر علي المصاريف وبس للأسف

#وقفة_مع_النفس

تعالوا نلعب مع اولادنا ولو نص ساعه في اليوم ،، انزل لمستواهم مهما كان سنك ،، مهما كانت مكانتك او عملك،، فأولادك ليهم حق عليك ❤️

المصدر:Reda Aly Arafa

أضف تعليق