زوجى بيكرة ابننا الكبير ايه الحل

سوف نتناول اليوم فى موقعكم المفضل يفيدك عن زوجى بيكرة ابننا الكبير ايه الحل  نتمنى أن تلقى اعجابكم بأذن الله



اولا نشرح الأمر نفسيا ..ليه اكره ابني؟؟؟؟؟؟


فيه حاجة اسمها الماضي اللي عشته….الماضي ده عشته مع اب وام….وأخوات…واهل اب …أو أهل ام….عاملوك ازاي…ايه اللي وضعوه جواك من سلبيات ؟؟؟ربما كمية عنف واذي لفظي ومعنوي ..ربما تدليل مبالغ فيه……وكلا الحالتين يؤدي الي اضطراب الأنا الداخلية……..

لو كانوا عاملوك أو عاملوا اخوك الكبير بقهر…..فأنت تعبت واختزنت المشاهد دي في نفسيتك……وحسيت بالظلم…..

ولو كانوا عاملوك بترفيه  وحنان مبالغ فيه فهم ربوا  جواك أو جواكي…. التركيز مع نفسك وفقط نفسك…..وحبها المبالغ فيه الذي يصل الي الانانية….

___

وتمر الايام     وتبقي اب …

أو تبقي ام….

وبعدين يجي الابن الاكبر…..

لو كنت من الناس اللي اتاذت في الماضي نظرتك بتكون …….واحدة من دول ….

“اشمعني انا  أو اخويا الكبير اتأذينا…؟لازم الظلم ده يطلع في حد ….يتأذي …زينا انا مش هتظلم لوحدي”

“الاذي اللي انا بعمله ده ولا حاجة جنب اللي شفته…/.انت كده عاقد مقارنة لصالحك ….عشان تطلع الضحية الاكبر  “

“انا كده كده هفشل في تربيتك انا معقد….انت ليه جيت حياتي يا ابني الاكبر…/ده بقولك شعور دائم بقلة الحيلة والفشل والتذكر الدائم لعذابك:”

“انا كاره نفسي زمان …وانت بتفكرني بيها “

__________

طيب لو كنت تم تدليلك بشكل مبالغ فيه سواء رجل أو امرأة…

بيكون لسان حالك

“انت اللي جيت كبرتني…وخلتني في حال مش عاوز اكون فيها …..من المسؤولية …؛”

_____

حالات اخري لكره الابن الاكبر

*أنهم يجوزوكي….غصبا عنك……ويكون الابن الاكبر =انك خلاص اتورطتي في السجن ده …ماهو مفيش طلاق….😑

*انك تكرهي شكل الابن

..هو رغما عنك بيفكرك… بحد ظالم أو مسىء…انت مش قادرة تتحملي….

*ان الزوج يعقد مقارنة بينك وبين الابن الاكبر لصالحه….وده بيحسسك….بالدونية والهوان

*ان الابن الاكبر  جالك وانت منعدم الخبرة …ولخبطت الدنيا معاه ومعدتش طايق  تتحمل فشلك…

______

طبعا لما بنكره مش بنعترف….امال بنعمل اي؟؟؟؟

بنضخم عيوب الابن اللي كرهناه …وتطلعه شيطان عشان تبرر الكره…

شقي ….سخيف….قليل الادب….مبيذاكرش..حركته كتير….متطاول….مش نظيف….

وطبعا اي طفل فيه عيوب بس انت مش طايقه اساسا……

______

والحل؟؟؟؟؟؟؟؟؟


فيه طرقات محتاجين العلاج انت وابنك….. لو كان كبر

لازم تتكلم عن مشاعرك في جلسات نفسية  …وتتفك قناعاتك…ولو انت مش عاوز ده…..استميت في الدعاء…لله…..ولكن لازم انت اللي تحاول…

ابنك بقه اللي انت كرهته في عيشته….محتاج يتسمع ويتفهم…نفسيا …

حالة محتاجة علاج…

أنصحكم بالكتب التالية

علاقات خطرة….د محمد طه

نفسيا  ايناس فوزي *انا*

فقه النفس *د عبد الرحمن الهاشمي*

___

دمتم احبة

المصدر:د ايناس فوزي مركز ايناس و الأطفال

أضف تعليق