سلسلة فى بداية حياتى العملية..شايف نفسك فين بعد ٥ سنين

شايف نفسك فين بعد ٥ سنين 

 سلسلة فى بداية حياتى العملية..شايف نفسك فين بعد ٥ سنين

ال Future Career Plan.. ازاى تعمل خطة لمسارك الوظيفي عشان تحقق هدف وظيفي او منصب معين ، دا كان عنوان المحاضرة دى وهختصر شوية حاجات من اللى قولتلها خلال المحاضرة فى شكل نقط سريعه..

_____
نخش فى الموضوع على طول 😅🎙️
عشان يبقي عندك future career plan لازم تحدد و تخطط مجموعة نقاط و مسارات مختلفة مكمله لبعضها ؛

١- هدف وظيفي بعيد المدى يكون smart ومحدد فيه طبيعة الوضع الوظيفي و المجال او الصناعه اللى انت حابب تاخد ال position ده فيها ،
 مثال :
(مدير إدارة تسويق فى احدى شركات العقارات الكبرى).

٢- الدراسة النظامية المؤهلة لدخول المسار المهنى ده
(هل هدفنا الوظيفي محتاج تحصيل منهج علمى معين او الحصول على شهادة علمية – كلية او دبلوم مهني او دراسات عليا او ماستر او دكتوراه)
وطبعا نحط خطة لتنفيذ ده وتحقيقة.

٣- المهارات الشخصية والسمات اللى بيحتاجها الهدف الوظيفي ده يعني theme المنصب ده و ال soft skills اللى بيحتاجها.
وطبعا بنحط خطة تنفيذ تتبنى على self studies و كورسات اوف لاين و اون لاين هناخدها ، وتغيير عادات و سلوكيات فى شخصياتنا.

٤- المهارات العملية (Hard skills)
هو المنصب ولا الوظيفه دى بيعملوا فيها ايه والمفروض اكون بعرف اعمل ايه عشان ابقي كفاءة  qualified انى احصل عليها.

٥- المهارات العصرية (اللغات و المهارت المرتبطة بالتكنولوجيا والكمبيوتر) اللى بيحتاجها المنصب ده وكمان ازاى تكون بتعمل update فيهم ديما لان التطور فيهم كبير.

٦- الانشطة الطلابية او المجتمعية او ال internships اللى مستهدف تدخلها عشان تثقل و تختبر نفسك فى ال ٥ نقط اللى فاتوا دول ،
ودى بتكون مفيدة جدا للطلاب بحيث انك بتكون متخرج وعندك خبرة حقيقة فى المجال اللى حددت انك هتشتغل فيه ، وهنا بقي بنهزم اسطورة “ازاى ابقي حديث التخرج والاقى اغلب الوظائف طالبه حديث التخرج وخبرة فى نفس الوقت!!”
~ طبعا انت لو بتقرأ و المنشور ده وخريج حديث فيفضل تركز على انك تنزل  اى شغل بيمثل اول سلم فى مسارك المهنى حتى لو بدون اجر حتى لو هتدفع فلوس.

٧- الموجهين والمرشدين
اللى هم ال mentors يعني واللى لازم تختارهم بعنايه ومش شرط تكون عارفهم معرفة شخصية دا انت ممكن تكون متابعهم من لينكد إن او اى سوشيال ميديا ، واللى دورهم يساعدوك فى تحديد وتخطيط وتنفيذ ال ٦ نقط اللى فاتوا وكمان بتقولهم انا ماشي ازاى و وصلت لحد فين ، ودول بقي بتلاقيهم بسهولة على LinkedIn الكنز اللى اغلبنا مش بيهتم بيه ، المهم لازم تلاقيهم وتحددهم وتتواصل معاهم حتى لو بمقابل مادى.

٨-أعمل ال  Future CV
و دا بقي اختراعى انا بس فعال جدا جدا جدا ، بيكون ال cv الافتراضي بتاعك اللى المفروض تكون انجزته خلال الفترة اللى انت حددها لخطتك عشان توصل لهدفك الوظيفي والمفروض بيكون مكون من الاتى ;
~ شهادة علمية المفروض تحصل عليها.
~ مهارات عملية hard skills المفروض تاخد كورسات وتدريبات فيها.
~ مهارات شخصيه soft skills المفروض تاخد كورسات وتدريبات وتختبر نفسك في امتلاكها عشان دى مش بتكتسب بسهولة زى ال hard skills.
~ خبرات و تطبيق عملى حقيقي فى نفس مجال هدفك الوظيفي.

٩- امشي على مبدأ الاحترافية  K A S H
~ كون معرفة ضخمه حوالين مجالك knowledge ،
قراءة بقي و مشاهدة فيديوها وثائقيات ، وحضور ندوات و ايفنتات خاصة بالمجال.
~  تانى حاجه Attitude ،
حافظ على اهتمامك و دوافعك بتحقيق الوظيفه دى وخليك متأكد انك فعلا بتحب المجال اللى اخترته عشان يبقي عندك موقف ذهنى قوى وايجابى يساعدك تكمل ويشعل شغفك.
~ التطبيق انك تبقي Skilled فى اللى عرفته وتطبقة عملى.
~ صحح عاداتك ومهاراتك الحياتيه Habits ،
دى الفيصل بين اتنين مجتهدين بس واحد ناجح والتانى لاء لات واحد بيقدر يتحكم فى حياته و واحد عنده مجموعه من العادات السيئة اللى ديما بتقف بينه وبين انجازاته واهم العادات دى الانظباط والالتزام.

لو وصلت لحد هنا بشكرك جدا ❤️ وبطلب انك متبخلش علينا برأيك ونصيحتك و اللايك والشير😅 🤗.. شكرا 🎙️

المصدر: Mohamed Green

أضف تعليق