سلسلة فى بداية حياتى العملية..مفاتيح العربية و اللاب الماك.!

 سلسلة فى بداية حياتى العملية..مفاتيح العربية و اللاب الماك.

 سلسلة فى بداية حياتى العملية..مفاتيح العربية و اللاب الماك.!


روحت قدمت على شغل كمسوق فى شركة تسويق عقارى المهم ؛ اللى عملى الانترفيو كان مدير التسويق اللى هو اصلا اخو صاحب الشركة اسمه “باشمهندس عماد” هو ال first name بتاعه كده على بعضه ومش دى القصه خالص 😅
لكن الجدير بالذكر ان باشمهندس عماد علمنى مبدأ فى البيع فرق معايا 180 درجة فى فترة لا تذكر ودا كان نتيجة حوار دار بيني وبينه بعد ما خلصنا الانترفيو وقالى انى اتقبلت وهبدأ شغل معاهم من النهاردة…
المهم سألنى انت معاك عربية ؟
قولتله لاء ما انا جاى اشتغل عشان اجيبها 🙄
قالى طيب معاك تليفون نوعه إيه ؟
كان معايا تليفون نوكيا اسمه E61i
رجع سألنى معاك لاب ؟ ونوعه ايه ؟
كان معايا لاب نوعه BENQ-SIEMENS وكان انتاج سنة 2000 تقريبا وجار عليه الزمن🤣
.
راح واخد نفس عميق كده وقالى : اممم لازم تذاكر شويه وكمان  تصرف على الادوات والعوامل المساعده شويه وتهتم بال Image بتاعك.

قولتله : ازاى

رد بكل ثقه : احنا بنبيع وحدات سكنية وسياحيه فاخرة و بنتعامل مع الشريحه A من السوق و العميل فى الشريحه دى  بيحب اللى يسوقله شيء او يبيعهوله يكون حد مميز والاهم انه يحس انك شبهه نوعا ما عشان يسمع منك ويشوف عروضك و يكون بعدها فى احتمالية كبيره يقتنع بكلامك..!

– عايزك تشتري عربية او حتى تشترى مفتاح بميداليه محترمه ويفضل فى ايدك وتعمل بلان عشان تشترى للمفتاح ده عربيه فى اسرع وقت 😲🙄 ،
وتبيع اللاب بتاعك ده وتجيب لاب شكلة حديث وياسلام لو تعرف تجيب Apple Mac book  😲
والموبايل اللى معاك مش وحش بالعكس متفرطش فيه! 🤗
و متقلقش لو معكش فلوس هعملك سلفه بعد اول وحدة تبيعها تجيب بيها اللاب وبعد كام بيعه تدفع مقدم العربية😲😥🤐
.
-عايزك تدرس كويس اوى العميل اللى بتتواصل معاه وتحلل بياناته الشخصيه وتحلل صوته من خلال التليفون وتحاول تعرف تفاصيل دقيقه عنه وتحاكى تفاصيله دى فى كلامك وشكلك والامثله اللى بتذكرها وبتبيع له بيها وانت معاه
.
– ادرس الصفات المشتركة بين اصحاب المهن اللى بتقابلنا كتير واحتياجاتهم واستفسارتهم و اهتمامتهم
.
– خد التقارير بتاعت المبيعات من اصحابك هنا وادرسها كويس  وقولى فهمت منها ايه و خلى كل قراراتك بناء على دراسه وارقام ، التوقعات الدقيقه بتكون وليدة تقارير و بيانات سليمه ومدروسه كويس
.
– لو العميل شاب صغير ركز فى الكلام عن فرص الإستثمار اللى فى البيعه وقوة قرار الشراء فى وقت زى ده والمكاسب الكبيرة اللى هتعود عليه خلال فترة زمنيه بسيطه

– لو رب اسرة ركز  على صفات الخصوصية والهدوء والأمن والنضافه والخدمات القريبه السهله
.
– لو صاحبة القرار سيدة ركز فى كلامك على ال community المميزة ومين من المشاهير او الشخصيات العامه اشترى من عندنا والبراندات الكبيرة والمراكز التجارية اللى جنبها جدااا
.
– اعرف تخصص العميل ودردش معاه شويه فيه و سمعه إطراء لطيف على النوعيه دى من الشغل وتقديرك ليه
.
– سمع الناس اللى هم حابين يسمعوه مش اللى انت عايز تقوله ؛ بعدها هتلاقيهم بيسألوك هم عن التفاصيل بالتفصيل 😅
و وقتها هتتكلم كأنك بتجاوب عليهم بشكل شيك مش كأنك حافظ كلمتين وجاى تسمعهم.
.
– كرجل تسويق و مبيعات لازم تبان غني ونضيف ومحترف وده له مفعول السحر فى تقبل شخصيتك لان اغلب الناس عنصريين بطبيعتهم وبيميلوا للتمييز الطبقي ومتعمليش فيها جيفارا😏
.
– احترم العميل جدا واديله برستيجه لكن اوعى تحسسه انه تارجت كبير ولا deal مش هيتعوض ،
أتكلم بأريحيه معاه وبشكل ضمنى مش مباشر عرفه حجم مبيعات الشركة ونجاحتها و نجاحتك الشخصيه وحجم مبيعاتك الفترة الاخيرة لان الناس بتحب تشتغل مع الناجح والشاطر اللى اصلا كسبان وبيكبر – الناس يامحمد بتحب تنجح الناجح وتدى فلوس للى معاه فلوس ماشى! –

..
كان فى كلام كتيير لكن كتبت اللى افتكرته بمعناه ، وحقيقي كان حوار اسطورى بالنسبة لشاب يادوب قرب ع العشرين وقاعد مع مليونير بيصف نفسه ديما بالسمسار المنشار لانه مش بيخسر  طالع واكل نازل واكل على حد تعبيره ؛
لكنه الحقيقه كان بمثابة طرف خيط لفه باشمهندس عماد على ايدي و خلانى اجرى بيه فى الاتجاه الصحيح …
.
لو وصلت لحد هنا فى القراءة قولى وجهة نظرك فى كلام باشمهندس عماد!
ولو شغال فى التسويق او المبيعات زودلنا نصيحه او حاجه تفيد اللى هيقرأ الكومنتات ❤️🌸

المصدر: Mohamed Green

أضف تعليق