سلسلة فى بداية حياتى العملية..5 حاجات لما ادركتهم فرقوا معايا 180 درجة فى حياتى

5 حاجات لما ادركتهم فرقوا معايا 180 درجة فى حياتى العملية 

 سلسلة فى بداية حياتى العملية..5 حاجات لما ادركتهم فرقوا معايا 180 درجة فى حياتى

 لو هتعمل save post وتكمل scrolling البوست ده هيجيلك فى المنام على هيئة كابوس ، ولو طنشطه فأعلم أن الشيطان منعك
___ نخش فى الموضوع ___
5 حاجات لما ادركتهم فرقوا معايا 180 درجة فى حياتى العملية ؛

1- مينفعش تربط حياتك بأشخاص ولا اشياء ولا ينفع تتعلق اصلا بأى حاجه ؛
كل فترة لازم تعمل تقييم لوضعك الحالى وتبص لحالك لو لقيت نفسك من غير شغل هتبقي = صفر يبقي عندك مشكلة  ،
 لو لقيت نفسك من غير اصدقاء هتبقي = صفر  يبقي عندك مشكلة ،
وهكذا اطرح كل شيء من حياتك لو لقيت الناتج هيبقي خسارة كبيرة ليك حاول تعيد علاقتك بالحاجه دى وتديها حقها ومتخليش حياتك واقفه على حاجه ممكن تخسرها او تفقدها ف لحظه فتبقي خسرت حياتك بخسارتها … !

2- ادراكك القوى والايجابي لذاتك ؛
فى ناس تستاهل تبقي فى مكانة عاليه جدا سواء علمية او مادية وعاشوا حياتهم كلها ومعملوش اى حاجه!! السبب ببساطة انهم ادراكهم لذواتهم متدنى جدا و طول الوقت مش متخيلين انهم ممكن يكونوا اغنياء او مؤثرين وخايفين طول الوقت من المستقبل وخايفين من النجاح نفسه ومسيطر عليهم اعتقادهم بإن النجاح امر موقوف على بعض الناس وان اغلب الناس الناجحه وصلوا بطرق غير شرعيه لدرجة انك تسمع ناس كتير لو شافت حد ثرى تسمعه بيقول “اكيد حرامى ولا تاجر مخدرات ولا مرتش ” !!

3- متنبهرش بأشخاص ولا أفكار ومتحكمش على اى شيء من غير متشوف نتايج ؛
ببساطه لو جه حد قالك انا معايا افكار تخلينا ملياردرات قوله : وريني نفسك ونفذ ولما تحتاجنى فى حاجه هتلاقيني جنبك انما انا مبضيعش وقتى فى انى اكون من فران تجاربك !
لو حد فرشلك الارض حورات وانه تنين مجنح وياما هنا وياما هناك وكان وكان وكان قولة : الناس زى المعادن والنادر منهم الطلب عليه مبيخلص وسعره عمره ما بيقل والمتاح والرخيص هو اللى بيتركن وخليه يروح يلعب بعيد ومتضيعش وقتك..

4- متوقفش تعلم واستثمار فى نفسك؛
طالما وقفت استثمار فى دماغك اعرف ان قيمة مهارتك بتقل حتى لو كنت تنين مجنح لاننا عايشن طفرة معلوماتيه ومحتوى العلوم بيتضاعف كل سنه والمهارت العملية بتستبدل وبتطور وبترتبط اكتر بالتكنولوجيا وبيحل محلها تقنيات ومهارات أحدث كل عام..

5- قلل الناس اللى حواليك ، وكتر من الناس اللى تعرفك ؛
– قلل من اللى بياخدوا طاقتك واللى بيستنزفوا وقتك واللى بيحبطوك واللى ملهمش اى لازمه حتى فى حياة نفسهم ولا عندهم نيه انهم يبقوا احسن ..
– اصنع البراند نيم بتاعك ؛ يعني كتر من شعبيتك فى مجالك لاننا شعوب ومجتمعات بتثق جدا فى الصيت والسمعه فلو انت اسمك بقي بيتردد كتير فى مجال ما ده بيحققلك ثقه عاليه جدا عند الناس و هتلاقى قيمتك فى مجالك بتزيد سواء موظف او فرى لانسر او صاحب شركة الثقه والسمعه اللى بيخلقها البراند نيم بقت مهمه جدا عشان تقدر تنافس بين الاف المحترفين فى مجالك..

شكرا انك وصلت لحد هنا ❤️
“خير الناس عند الله وأحبهم إليه أنفعهم للناس” شير يمكن الكلام ده يوصل لحد محتاجه ❤️
المصدر: Mohamed Green

أضف تعليق