سوال مهم لكل اب وام ..تحب ولادك يتعلموا ازاي ؟!

سوال مهم لكل اب وام ..تحب ولادك يتعلموا ازاي ؟!

سوال مهم لكل اب وام ..تحب ولادك يتعلموا ازاي ؟!


“اظهرت درسات حديثه ان مستوي التوتر والقلق لدي طلاب المدارس اليوم مساوٍ لمعدل مستويات القلق لدي المرضي النفسيين خلال خمسينيات القرن الماضى”!!
.
جملة فزعتني جدا حتي لو مشوفتش مصدر الدرسات دي ايه او هي حقيقه ولا لاء بس انا متفق معاها بشكل ما واكيد وانت بتقرأها هتحس انك بتلمس الواقع فعلا خصوصا في مرحلة الثانوية العامه 

سوال مهم لكل اب وام ..تحب ولادك يتعلموا ازاي ؟!

طيب دا هيخليني اقولك ان في ناس كتير جدا حوالين العالم قررت انها مش هتودي اولادها مدارس اصلا و هيعلموهم بنظام اطلق عليه فيما بعد “نظام التعليم المنزلي ” وده معناه انهم يعلموهم بمزاجهم بالطريقه المفضلة ليهم و يقدمولهم المعرفه المناسبه مش حشو مناهج وخلاص والنظام ده كما بيحافظ علي نفسية الاطفال من الضغوط و التعصب و التنمر و كمان بيديهم مساحه يمارسوا هوياتهم و انشطة رياضيه وتطوعيه  ودا اللي كتير من المدارس الاميريه والاهلية بتفتقده جدا وبتقضي عليه عند الاطفال خاصة في مرحلة التعليم الاساسي اللي هي اصلا مرحلة اللعب والتنطيط والابداع.

سوال مهم لكل اب وام ..تحب ولادك يتعلموا ازاي ؟!

كمان بعض المهتمين والمروجين لما يسمي ب “التعليم المنزلي” بيقولوا  ان استيقاظ الاطفال بدري جدا والتزامهم بمواعيد ثابته و واجبات ثقيله ان ده بيقتل روح الالتزام وحب الانضباط في الاطفال علي حد تعبيرهم ! 

كمان بيقولوا ان ده بيزود عملية مشاركة الاباء في تعليم اولادهم و دا بيقوي الروابط الاسريه وبيقلل الفجوه في التفاهم والتواصل فيما بعد بين الاجيال!

سوال مهم لكل اب وام ..تحب ولادك يتعلموا ازاي ؟!

والغريب ان “التعليم المنزلي ” بقي مصرح بيه كنوع من انواع التعليم الرسمي المعترف به للمرحلة ما قبل الجامعيه في بعض الدول زي امريكا  واستراليا وكندا و انجلترا !!
.

وكمان الموضوع بقي له منهجيات كتير من اشهرها ؛

=اسلوب اللامدرسة والتعلم الفطري :
 واللي بيعتمد علي رفض المناهج تماما وتعليم الطفل بناء علي اهتماماته وتتبع شغفه واسئلته.
= اسلوب الكل في واحد :
وهو قريب شوية من منهجية المدارس العاديه بيقدموا فيه اساسيات كل العلوم للطفل وبعد كده بيحصروا الموضوعات وفقا لميوله والمناهج اللي تفوق فيها.
= اسلوب الوحدات الدراسية :
 وده اسلوب مميز جدا بيخلي الطالب يدرس المواد المختلفه العلمية والادبيه لموضوع واحد زي مثلا يدرس الفراعنه فيشرحوله تاريخ الفراعنه والرياضيات عندهم والادب واللغه والفيزياء اياهم وهكذا،،،،
=اسلوب التعلم الذاتي :
 وهو اسلوب بيشوف ان المتعلم هو افضل حد يقدر يعلم نفسه ويختار اللي بيتعلمه ويكتسب المعرفه والمهارات بالممارسه و الانشطه ودا طبعا عن طريق وتحت اشراف موجه شخصي.!!
.

سوال مهم لكل اب وام ..تحب ولادك يتعلموا ازاي ؟!

كمان بدأت ظاهرة اسمها “تعاونيات التعليم المنزلي” اللي فيها مجموعة من الاسر بيتفقوا علي منهجيه واحده ويعملوا مجموعات لابناءهم هدفها واحد و فيها الآباء بيتبادلوا الخبرات و تحليل النتايج وتطوير المنهجيه.
ـــــــــــــــــــــ

ها وصلت لحد هنا ! يبقي تنزل في التعليقات تقولي رأيك في “التعليم المنزلي ” ولو بقي مصرح في بلادنا هتودي اولادك المدرسه ولا هتفضل انك تعلمهم بنظام التعليم المنزلي ؟

المصدر: Mohamed Green

أضف تعليق