طريقة تحضير فته الشاورما اللذيذة الجاهزة فى البيت

طريقة تحضير فته الشاورما اللذيذة الجاهزة فى البيت 

طريقة تحضير فته الشاورما اللذيذة الجاهزة فى البيت


فته الشاورما  الي مفيش حد مبيحبهاش سهلة و سريعة وخفيفة 

المقادير 


  •  نص بانية 
  • معلقة زبدة
  • معلقة زيت
  •   معلقتين صوصا صوص ..
  •  فلفل الوان او فلفل اخضر حامي بيدي طعم حلو  ..
  • زبادي 
  • خل وليمون 
  • توم وبصل بودر 
  •  أرز بسمتي 
  • ببصلتين مفرومين ناعم

طريقة تحضير فته الشاورما اللذيذة الجاهزة فى البيت


بهارات

  •  ملح وفلفل وبابريكا 
  • شطة ورشة جوزة الطيب 
  •  بهارات شاورما كنور فظيعة بجد .. 
  • معلقة كركم ومعلقة كاري 
  • بهارات دجاج 
  • رشة قرفة ومكعب مرقة 


الطريقة 


اول حاجة بجيب نص بانية واقطعو شرايح صغيرة وف مقلاه فيها معلقة زبدة ومعلقة زيت سخنين انزل بالفراخ واديها تشويحة وبعدين بهاراتي بقا ملح وفلفل وبابريكا وشطة ورشة جوزة الطيب و بهارات شاورما كنور فظيعة بجد .. 
وحطيت من عندي معلقتين صوصا صوص ..
واسيبها لحد م تستوي وممكن تضيفو فلفل الوان او فلفل اخضر حامي بيدي طعم حلو  ..

طريقة تحضير فته الشاورما اللذيذة الجاهزة فى البيت


طريقة تانية للفراخ بتبليها من بليل في زبادي وخل وليمون وملح وفلفل وبهارات شاورما وبابريكا وتوم وبصل بودر وتبات ليله وبعدين تشوحيها حلوو وتضيفي فلفل اخضر ..

طريقة تحضير فته الشاورما اللذيذة الجاهزة فى البيت


تاني حاجة بعمل الرز بعملو برز بسمتي ” ابو كاس او الطاهيه ” طعمو احلا وينفع بالمصري عادي ..
حلة فيها حبة زيت وبنزل ببصلتين مفرومين ناعم وادبلهم وبحط معلقة كركم ومعلقة كاري وبهارات دجاج ورشة قرفة ومكعب مرقة واقلبهم مع الزيت والبصل  حلو وانزل بالرز واقلبو لحد م الرز يتغلف بالزيت و البهارات وبعدين اغطيه بالمية ورشة ملح صغيرة عشان المرقة  بيكون فيها ملح ..
وممكن نستغني عن البصلتين عادي ف الحالتين بتكون خطيرة 

ملحوظة :
الارز البسمتي لكل كوباية رز كوبيتين ميه عكس المصري نقطة مهمه كتير بيغفل عنها ..  

تالت خطوة العيش رغيف شامي وبقطعو بالمقص مربعات صغيرة واحمر ف الزيت بيكون احلا من الي ف الفرن واطلعو وارش عليه ملح وفلفل وكمون ..

طريقة تحضير فته الشاورما اللذيذة الجاهزة فى البيت


رابع خطوة بقا التومية  ودي اختلف عليها ناس كتير انا عملتها بكوب مية عليها ب ٣ معلقة نشا واتقلهم ع النار  وبعدين بضربها ف الخلاط ومعاها اربع توم مفرومين وعلبة زبادي ومعلقة خل وعصرة لمونة ورشة شطة وانزل سرسوب بالزيت لحد م تديني القوام الي انا عايزاه .. 

وبالف هنا 🌹
‏المصدر: Nourhana Sharaf

أضف تعليق