طريقة كيك شوكولاته بحشو الموز المميز اللذيذ

كيك شوكولاته بحشو الموز


المقادير

  • 2موزه هنهرسها بالشوكه كده يا ريت الموز الصغنن البلدي اللي ريحته حلوه وليه طعم
  • بيضتين حلو قوي وفانيلا
  • معلقه بيكنج بودر
  • نص كوب زيت
  • معلقتين كبار كاكاو
  • ربع كوب دقيق اسمر او دقيق لوز لو متاح
  • كوب الا معلقه كبيره دقيق ابيض
  • نص كوب سكر
  • 3موزه للتزيين


الطريقه

هنحط السكر والبيض ونضربهم وننزل الموز المهروس والفانيلا ونكمل ضرب والزيت ننزله  وننخل الدقيق والدقيق الاسمر والكاكاو والبيكنج بودر  


نقلبهم هتبقي الخليط تقيل ونقشر الموز ونقسمه بالنص ونحطه علي وش الكيك وندخله فرن سخن لمده تلت ساعه او نص ساعه الا خمس دقائق  حسب الفرن وتخرج رشي عليها سكر بودر بتبقي خطيره وطعمها جميل ومغذيه جربوها


المصدر:Let’s Cook – يلا نطبخ

أضف تعليق