عندى إبني عنيد وما بيسمعش الكلام !!اتصرف معاه ازى؟

سوف نتناول اليوم فى موقعكم المفضل يفيدك عن عندى إبني عنيد وما بيسمعش الكلام !!اتصرف معاه ازى؟ نتمنى أن تلقى اعجابكم بأذن الله


“إبني عنيد وما بيسمعش الكلام”



اكتر شكوي بتكررها معظم الامهات واتكلمنا قبل كده في اننا بنسبة كبيرة ممكن نكون مشاركين في دا



نبدأ من الاول ..مين هو الطفل العنيد؟؟

هو اللي بيرفض كل المطلوب منه ومابيقبلش العقاب

طيب اطوعه ازاي؟ 🤔من غير صراخ او تهديد او مشاكل؟

لازم نعرف الاسباب اللي وصلته لكده وهي

-التسلط : بمعني وضع القيود عليه سواء مادية او معنوية وفرض الرأي طول الوقت وإستخدام صيغة الامر في توجيهه ودا بيخليه يحس بالدونية والضعف او الظلم

كمان المقارنة سواء بينه وبين اخواته او اصاحبه او قرايبه  دا بيزيده عدوانية وتشبس بالرأي

-ممكن جدا يكون بيقلد نموذج قدامه (بابا، ماما، خاله ، عمه ، او حتي بطل فيلم او مسلسل بيحبه ) علشان يحس بذاته وانه كبير



طب والحل؟

اقولك الحل 🙂..بس لازم تعرفي انه مش في يوم وليلة ولا انه مجرد تجربة لحظية ويا صابت يا خابت و كمان لازم كل اللي حوالين الطفل يشارك في دا .



*اديله دايما اختيارات وتجنبي فرض الرأي وصيغة الأمر في الكلام



*اسأليه دايما في عن الحاجات اللي تخصه وخليه يشاركك القرار حتي في ابسط الاشياء زي الاكل واللبس وطريقة ومواعيد المذاكرة والتمرين يعني من الاخر اديله مساحته الشخصية و راعي مشاعره واحتياجاته  وخليه يحس انه قائد ومسئول .



برري دايما طلباتك منه وقوليله الاسباب في جمل بسيطة علشان مايتوهش منك ودا هايحسسه بالإحترام والتقدير لذاته و إنه مش مُهان بالأوامر المجردة .



*اتعاملي بهدوء  و ود وماتصرخيش في و شه وتنهاري قدامه هايعند اكتر و هاتلخبطيه 🙄



حفيزيه اولا وآخيرا بالمكافأت ونوعي بين المكافأت المعنوية(إبتسامة ،حضن، بوسة، طبطبة علي الكتف، كلمة برافو حبيبي بتبقي سحر )والمادية (حاجة بيحبها مش انتي اللي بتحبيها )بدون مبالغة علشان مايتعلمش انه يبتزك ويتعود علي ان كل شئ مشروط بمقابل .

تربية_إيجابية..

ابني_ابنك_ولاتبنيلوش…



المصدر:فن التربية الإيجابية – Dina Saad

أضف تعليق