قصة تربوية بعنوان التربية والالحاد

سوف نتناول اليوم فى موقعكم المفضل يفيدك عن قصة تربوية بعنوان التربية والالحاد نتمنى أن تلقى اعجابكم بأذن الله





اسمي احمد…

عشت بين والدي ووالدتي 5 اعوام فقط

حتي اني لا اذكر من الحياة بينهما الا    القليل   والقليل       .اما باقي حياتي فقد استأنفتها مع جدي وجدتي بعد طلاق والدتي…من والدي…..

ثم زواجها من عمو مجدي…😑لم احبه  ابدا….

جدي كان مريضا جدا…

اما جدتي تيتة نجوي

فقد كانت حكاية….

توفي الله جدي وعمري 7 اعوام…

كانت جدتي تحتضني…وتقول لي دعوات حلوة

وتعاملني بالرفق…عمرها ما هددتني

دوما كانت تقول لي جملة ثابتة كل يوم احفظ الله يحفظك…

وكنت اعتقد انها تقصد حفظ اسم الله

في يوم فرحت وقلت لها…لقد حفظته …وكتبت اسم الله وحدي علي ورقة…

ابتسمت…وقالت حفظ الله هنا

واشارت لقلبي

(أحب ربنا من كل قلبك يا احمد )(اوعي تفقد ثقتك فيه)

جدتي كانت حنون حكيمة…

وكنت انا مطيعا…

في يوم قالت لنا طنط اعتماد جارتنا.  ان الله يحرق الكداب في ناره

خفت جريت علي جدتي…

احتضنتني

قالت الله يحب الناس ويحب من يساعدهم

وان اخطأوا يسامحهم…

لو بس قالوا كلمة استغفر الله من قلوبهم ، ، ،

كنت لا اري والدي الا نادرا..

وماما كنت اراها اكثر…

جدتي علمتني الصلاة

تمتمت في زهق اكره الصلاة…

قالت مبتسمة…قول لي يا احمد …لما تكبر  وتتجوز…هتفضل تسأل علي ولا هتسيبني..؟

قلت لها…هسأل طبعا. 

قالت انت عارف ان ادم…اول انسان كان عايش في الجنة ؟

كنت اعرف القصة فقد سبق وحكتها لي مدرسة الدين. .قلت (ايوة…ولما اكل من الشجرة نزل الارض)

قالت (الصلاة هي الاتصال اللي بيننا وبين ربنا..لحد منرجعله…الجنة. ..)

فكرت في كلامها…..

جدتي….محافظة علي الصلاة …

وانا كمان…

تقدمت في العمر وحياتي معها ..مليئة بحواراتنا…وحكايتنا…وفهمت انها عانت كثيرا من عدم تدين جدي الله يرحمه….وقالت لي (البعيد عن ربنا عمر ما قلبه يرتاح)…قالت (تعرف يا احمد …انا ازاي ثقتي في ربنا كبيرة؟ ؟

اصلي كنت باثق في ابويا الله يرحمه جدك فوزي ابويا..لو قال لي ارمي روحك في البحر هأرميها ..من ثقتي فيه…يبقي لا اثق في اللي خلقه وخلقني؟ ؟ رب العالمين ؟)

قلت لها كنت في اولي اعدادي (بس فيه ناس كتير بتصلي وووحشين!!)

قالت (مش بيصلوا من قلوبهم…القلب غافل مش مركز….)

المهم…انا دوما من المتفوقين واساعدها في كل شئ …

هي بصحة جيدة…

ثم وانا في الجامعة….

تعرفت علي مجموعة من الشباب…

ملحدين…



احببت الكثيرين منهم….

محترمين…

لكن يقولون..لا اله😑😐

في البداية لم اعرف بالحادهم…

ثم توثقت الصلة ….عالم …محترمين…

منهم اتنين بالذات ..

اسلام…

و…

..

و ياسمين…

اسلام من اسرة مفككة….

وياسمين يتيمة الاب والام …وتعيش مع جديها….



احببت ياسمين للاسف…

كل الحب انفجر في قلبي لها..

لا اعرف كيف ..

مرضت بنزلة شعبية..

زارني كلاهما

وحمل لي اسلام المحاضرات متسجلة ..

اما ياسمين فقدمت ورق غيابي…

جدتي لم تشعر بالارتياح لهما…

😑

بكيت….

لم اصارحها…

انهما….ملحدان….

فوجئت ان معها عدد من الملحدين في الشلة ..

حاولت ان ابتعد…

تعبت وهم كمان….

اسلام قال لي (وليه متصاحبناش لكم دينكم ولي دين..زي ما قرآنك بيقول)

😑

فكرت….

معرفش…

فعلا فضلت معاهم…

خروجاتهم كلها….خروجات محترمة او عادية…

لكن….

فوجئت ان ام اسلام متدينة جدا شكلا…وكذلك ابوه.. !!!!!!

قال لي انهما عصبيان جدا ودايما كانوا يهددوه ان ربنا هيحرقه…من طفولته…

اما ياسمين…فقلت لي وهي تروي قصة عذابها. . موت والديها وحياتها مع جدها…

ان جدتها مريضة نفسية وان جدها….حاول التحرش بها مرارا…وقالت لي (لو ان الله  موجود لماذا ارتضي بعذابي )😯

انهرت

معنديش اجابات…بس واثق اوي …في ربنا …

روحت مش شايف قدامي

اصابتني رعشة

وارتفاع حرارة…..

صليت العشاء

وانهرت باكيا…

سامحني ..

انا مصدق  بس  مش عارف ارد….

تيتة لاحظت…

طبطبت عليا…

عملت لي…كوباية شاي

)مش هتحكي لي)

حكيت لها….

سمعت زي عادتها…

قالت لي (محكتليش من الاول ليه؟ ؟)

قلت لها (كنت خايف تنصحيني ابعد عنهم ..)

طبطبت عليا….حنانها يأسرني  ..

قالت لي (ابعد عن فكرهم…وبس…لازم تعرف عقيدتك…احنا منعرفش العقيدة يا احمد…)

سكتُ…قالت لي (عارف الدكتور رائف؟ ؟)

قلت (اه الصيدلي؟ ؟)

قالت (ايوة روح اقعد معاه…دارس وهيفيدك…)

قفز في ذهني شكل ذاك الصيدلي القريب المهذب….

لكن ..كيف  …؟ ؟

قالت لي روح…وخلاص. ..

ذهبت اليه…..

في اليوم التالي اقدم رجلا واؤخر رجلا…

قابلني بترحاب…

احب بشاشته…

ظللت صامتا…

احس ان هناك شيئا

انتظر حتي اجاب الزبائن

ثم….

ادخلني معه في جزئية المعمل

مالك ؟ ؟

تحدثت بكل ما قلبي…..

انا مصدق في الله

لكن مش عارف ابعد عنهم…

خايف ابقي زيهم …ومش قادر اسيبهم….

فاجئني بقوله (تعرف ان انا كمان مريت….زيهم بتعب كبير احنا جهلة…في العقيدة…)

صحت (انت الحدت؟ ؟)

قال (لا….بس كنت علي وشك…)

درست..)

فهمت…)

(اكبر مصايبنا غياب العقيدة …با احمد ).

هات لي اسلام او ياسمين ..وتعالي   

قلبي دق….

لكن هم احبابي جدا…

وفعلا وافقوا….

جاءت ياسمين اولا…

جلست انا وهي ود رائف في النادي…

قالت له باختصار حياتها ثم سألته اين الله في ما حدث لي…وان كان موجودا ويرضي بالظلم….لماذا اعبده؟)

قال بهدوء (هل لهذا النادي مدير؟ ؟)

اندهشت (طبعا)

قال (هل لهذا النادي قواعد..rule ؟ ؟ ؟ ؟)

قالت وهي تهز كتفيها (اكيد…)

قال (لو انا دلوقتي شتمتك شتيمة خارجة بصوت واطي….انا كده ما التزمتش باداب مكان عام صح؟ ؟ ؟)

قالت …ايوة…

قال (دي غلطتي ولا غلطة المدير )

صاحت (غلطتك بس المدير غلطان لو مجابش حقي)

صفق لها برافو…..

لو مجابش حقك ..

دلوقتي تحرش جدك بيك…دي غلطته…مين قالك ان ربنا مش هيجيب حقك…هي الدنيا خلصت…والاخرة كمان خلصت ؟ ؟ ؟

خيانة جدك لقواعد الدين مين المتحاسب عليها ؟ ؟)

قالت في انفعال (بس ربنا …قوي مينفعش يسيب حد..يظلم…)

قال في ثبات(طبعا…بس ده علي مدار الحياة..كلها مش الدنيا وبس…

فيه جزء من حياتنا. …

لسة مجاش اسمه الاخرة )

ارتبكت قالت (يوووة الغيبيات تاني)

قال (فين روحك يا ياسمين….ولا انت من غير روح ؟ ؟ فين مكانها..اشمعني مصدقة فيها وانت مش شايفاها ولا عارفة مكانها.)

قالت (احنا الات…و)

قاطعها (مشفتش اسخف من وصف الانسان بالة…الانسان الة!!!!!!الدم والحياة والكلام والاحاسيس الة؟ ؟ ؟ ؟ ؟)

اشار للسماء

)السقف المرفوع ده…مين ماسكه………وممكن يقع علينا….)

اشار للوريد في ذراعه

)الماسورة دي مين ممشيها….ومواسير الشوارع بتضرب)

ارتبكت….

حسيت انها اتأثرت شوية….

بكت…

واصرت تمشي….

رائف قال سيبها..هي هتطلب تيجي تاني. .

ياسمين ريحت نفسها من العلاج النفسي بالالحاد.قررت تقول مفيش رب ولا انها تتعالج…

وفعلا ياسمين طلبت د رائف تاني وتالت…

وفي الاخر راحت لدكتورة نفسية….

لكن اسلام رفض تماما…

رغم …انه شاب محترم..جدا…

ورغم انه شاف ياسمين….

لكن….ظل رافض

انك لا تهدي من احببت….

😑😐

الان مر علي زواجي بياسمن عامان…

حقيقي ياسمين كملت عقيدة….واسست موقع دعوة…

لكن…

اسلام اسس رابطة للملحدين…

وكل فترة بنسلم علي بعض….وبادعي له دايما 

لحد ما سمعت خبر انتحاره 

😑😐

 ..

التربية مهمة وهي وراء الايمان سبب

اللهم اهدنا واهد بنا….

معلومة لكم

قابلت في مجال عملي ملحدين لاباء متدينين فصلوا الدين عن المعاملة….

الدين ميتفصلش عن المعاملة

المعاملة جزء كبير منه

مينفعش تقومي من علي سجادة الصلاة تشتمي ابنك يا حيوان ويا غبي …

مينفعش كل حاجة تهديد الاطفال  بالحرق…مع ان الله فعليا لا يحاسبهم وهو قدير رحيم…

يا كل انسان اب او ام عقدت ولادك من طريق الله …من منحك تصريح ان تتحدث عن الله بغيرما وصف نفسه..؟

(فما ظنكم برب العالمين ) /الرحمة سبقت الغضب..

والمغفرة سبقت العذاب..

اللهم احسن خاتمتي..

قصة حياتي تشابه حياة د رائف الصيدلي..بالقصة 💙

الله يسامح علي ذنوب عظيمة باعمال بسيطة…..مثل سقيا الحيوان او رفع الاذي….الله يحب البشر ويفتح بابه دوما لهم …

ادرسوا عقيدة سليمة … ارجوكم…وكفانا تدميرا  في الابناء💔

المصدر:د ايناس فوزي مركز ايناس و الأطفال

أضف تعليق