قصة تربوية بعنوان المتخلف

سوف نتناول اليوم فى موقعكم المفضل يفيدك عن قصة تربوية بعنوان المتخلف نتمنى أن تلقى اعجابكم بأذن الله





يكتبها ..سامي

لااااااااااا انا مش مدلع عبد الرحمن……ده حقه..هذا هو الرد الذي ارده علي كل متحذلق..يتهمني اني مدلع ابني عبد الرحمن لاني احترمه واحاوره ولا انهره..ولا اضربه…..

اسمي سامي دكتور في كلية العلوم…

ورايا قصة …يمكن تفرق معاكم …ولو مفرقتش اقروها تاني …لاني كاتبها بوجع السنين…

انا الابن الاكبر في اسرتي بعدي محمود ثم..سناء…

بابا مهندس

ماما خريجة تجارة ولا تعمل

كنا نسكن  حي السيدة زينب

ذاك الحي العريق. ..

لكن.

.للاسف…كل ذكرياتي به حالكة…..

بابا وماما كانوا زوجان نصف متفاهمين. …نص نص…ساعات كويسين ساعات يتخانقوا

لكن…معانا احنا…كان حالهم …!!!

مش نص نص…

انا كان اسمي دايما المتخلف…

من بابا ومن ماما….

من وانا 5سنوات

لو وقعت كوب

لو ضربت محمود

لو غلطت في مسالة

كان اسمي المتخلف

لدرجة انه بقي وصف ليا…

بابا كان بيضرب نادرا

بس بيهزا

اما ماما تشتم…

ساعات نادرة لو تعبت كانت بتحضني ساعتها كان نفسي أفضل تعبان عشان افضل ف حضنها..

محمود كان متمرد…دابما يتعصب وينضرب

انا كنت متفوق وماشي جنب الحيطة باتشتم بس….

محمود كان بينضرب ويتحبس….

سناء كانت زيي خوافة

ياما اديت محمود اكل وهو في حبسه في الاوضة  وكان دايما يطلب ساندويتشات جبنة بالحلاوة!!!!

ومرة انكشفت وانضربت

انا كنت باحب اخواتي

بس ساعات كتير كنت باحس اني مش باحب بابا وماما

بس اطرد الفكرة..

النقد كان اسلوب بابا الدائم…

او طلعت التاني

يقول يا متخلف

مطلعتش الاول….كلمة متخلف كانت بتشدني اوي حتي لو اتقالت ف الشارع باحس انها بتخصني…..

محمود..كان بيقول لي هو احنا بهايم !!!ايه المعاملة القرف دي

كنت باقوله عيب

بس قلبي بيبكي

منساش في الثانوية العامة مجموعي 94%

بابا قال لي بقرف متخلف ملحقتش طب ولا صيدلة

عيطت وانا بشوف زغاريد…الامهات وفخر الاباء بناس اقل مني بكتير….

بابا كان بيقطع في الصلاة

بس انا كنت محافظ عليها

وعلمت محمود وسناء

محمود ما التزمش

وكان للاسف بيضيع فلوس الدروس في السحاير وع البنات

منساش ابدا قعد اتنا

ياااما قلت له ياما اتكلمت معاه

بس كان بيقول لي عن بابا

مش هو عاوز كذا والله لا عانده….

كنت اقوله بص لنفسك…لكن مفيش..فايدة..

طلعت التالت ع الدفعة ف اولي علوم

مقولتش لحد ف البيت

بابا سالني نجحت

قلت له اه

بس كده

كان شاكك!

سناء عملت لي كيكة فرحت بيها اوي

محمود عزمني ع حفلة مشبوهة !!!!!اعتذرت له

ومنساش ابدا…انه الي الوقت ده كان بابا بيشتمني المتخلف

اقسم اني كنت والكلمة متلازمان. .

لو سمعت حد بيقولها ف الشارع التفت له…

بدات اسمع مديح…من اساتذتي بالكلية عبقري!!!

مين ده

كنت باحس انهم مخدوعين

رجعت في يوم فاكره كانه امبارح

كان يوم مطر خفيف…

كنت راجع من سكشن…

الساعة 6بالليل

محمود  لسة مرجعش

بس  بابا  وماما كانوا في حالة تأهب. ..لاختفاء 1000ج

من الدولاب

والشك ف الصايع محمود

وسناء مرعوبة

ارتبكت

ملقتش حاجة اقولها

لكن شفت الشر ف عين بابا

خفت

كنت عاوز اتدخل

محمود رجع…للاسف بابا قابله بالركل والضرب يا حرامي والله لاموتك…

محمود  اتفاجئ وقال  والله لاعمل  اللي انا  عاوزه.

بابا ضربه

محمود

خرج في حالة صعبة

خرجت وراه…ناديت له وقف  كان بينهج …قال لي والله ما انا راجع

اتمشيت  معاه..كلمته

قال لي بقهر

هما بيخلفونا ليه عشان نتهزا يا سامي….ابويا ده عمره ما عطف علي

مكنتش عارف انها اخر مرة هاشوف محمو د فيها لمدة سنة

لانه  اختفي بعدها

ومعرفتش اوصله

وبعد كده بفترة عرفت….انه ضاع خالص .

انا كملت  الدراسة من الاوائل

بس ما باقولش

لما جات سنة التخرج

بابا سعي لي ف شغل بشركته الحكومة

قلت له

معلش انا هاتعين  ف الجامعة…..

قال لي هو بمزاجك يا متخلف

اتقهرت

قلت له انا من الاوائل

اتذهل

مقلتش ليه ليه يا متخلف

سكت

بارك لي

انا من المتفوقين

احاول تتبع اخبار محمود عرفت انه اتسجن 😣

رحت له…كنت واخد ساندويتشات جبنة بالحلاوة 😓

كان شكله زي المجرمين

واخوه معيد جامعة 😣

فرح وبكي..اما شاف الساندويتش  طفولتنا المريرة😓

قلت له هازورك ..وصدقت وعدي لكن بابا اتبري منه

اتطورت في شغلي بس كلمة المتخلف بترن في وداني…

الماجستير بتاعي انجزته في وقت قياسي

يوم المناقشة

بابا كان فخور

وماما بتزغرد ..

سناء فرحانة

استاذي وبابا بيسلم عليه…قال له سامي ده عبقري

بابا كان فخور

كنت فاكره هيقول ده متخلف

كتمت ف قلبي

زرت محمود

وحكيت له/ الضباط بيعاملوني باحترام لما شافوا بطاقتي

كان نفسي اقولهم محمود اخويا مش وحش ده ضحية سوء تربية..

سناء اتخطبت لواحد مش كويس خلقا

بس ميسور الحال

نصحت بابا

سكتني كالعادة بس يا متخلف😣😣

سناء اتطلقت بعد سنة ورجعت بابنها محمود

عايرها

انا لسة كلمة متخلف بتشدني

بابا مات

اخدت عزاه

بس ف قلبي حجات وحجات….

ماما صحتها مضطربة…

انا باعطف عليهاوع سناء

بازور محمود

البيت هدي كتير بعدموت بابا للاسف الشديد ..خطبت سالي بنت استاذي.وكنت مصارحهم ان اخويا مسجون .ماما ماتت …..وانا وسناءومحمود الصغير عايشين بهدوء..اتجوزت وانجبت عبد الرحمن.

يوم مناقشة الدكتوراه ..محمود اخويا كان طلع من السجن

اخدتها بامتياز وتنطبع ع نفقة  الجامعة

اتجرات وسالت استاذي

هو انا ….مش….متخلف؟ ؟ ؟ ؟ ؟

😣😣😣

يومها دموعي سالت

وجسمي اترعش

وانا بأحكي

سالي طبطبت عليا

ومحمودبكي.وبص لسناء

استاذي خدني ف حضنه  ده انت عبقري القسم بس صوت بابا الجهوري بكلمة ماخلف بيرن ف ودني….

قرات في التربية

باربي عبد الرحمن  باحترام

بيقولوا ده دلع

لااااااااا

الاحترام حق

مش دلع

محمود بساعده يكمل دراسته

وجبت له شغلانة بسيطة بس عمري ما تبرات منه..

دلوقتي وانا باربي ابني باحترام مرتاح

لكن….

معرفش ايه اللي جري لي

وانا ف مووول كبير

😣😣

واحد كنت رايح أركن عربيتي مكنتش شايف كنت هاخبطه رايح اعتذر له

صرخ فيا ايه هو انت متخلف!!

معرفش ايه اللي جري لي….

اول مرة اضرب حد

😓😓😓

الأمن اتدخل

وانا اعتذرت

والراجل سامحني

والي الان نتواصل …لانه طلع موظف في الجامعة

ودايما بتأسف

بس الكلمة لسة بتجرحني😣😓بس ما بأخليش جرحي ينقط صديد علي تربيتي لابني..😔

الابن مش متخلف الابن عملك

أضف تعليق