قصة تربوية بعنوان خلفة البنات

سوف نتناول اليوم فى موقعكم المفضل يفيدك عن قصة تربوية بعنوان خلفة البنات نتمنى أن تلقى اعجابكم بأذن الله



تحكيها بطلة القصة (انا الصغيرة خالص في الصورة👇..اسمي ياسمين…واخواتي الكبار مني وسلوي ولسة فيه مرفت وشيماء اتولدوا بعدي….😊….سلوي احلانا شبه تيتة الله يرحمها…

انا اكتب قصتي اليوم عنه….عن ابي الاستاذ محمد …مدرس الدراسات الاجتماعية. ..اتولدت في عيلة كل خلفتها بنات….ماما كانت بتعيط ودايما قلقانة من كلام الناس….هي مش بتنجب الا البنات زوجة عمي اللي كانت معانا في نفس العمارة معاها 4 اولاد ،، تيتة دايما كانت تضايق ماما بكلام سخيف كده….ومع كل ولادة لمرات عمي تيتة تقول قالوا ولد قلبي اتسند ….وماما تعيط…..ماما بقت عصبية اوي….لكن الاستاذ محمد بابا…..كان دايما مبتسم…..كان بيشيلني انا واخواتي ويلعب معانا….ويوم ولادة اخر اخواتي كان فرحان ….عمري ما حسيت ان احنا عبء…..كان بيحب يجمعنا ويتتاقش معانا….وكان بيطبطب ع ماما…..لما تتضايق…..قالها انا مش عاوز ولد…..قالت له بكرة تتجوز عليا..##..الكلام ده زمان في مصر وكان بيحصل فعلا…..

كنت دايما اشوفه مبتسم…..وهو بيقول لها (ومين يربي اللؤلؤ ده لو انا اتجوزت غيرك؟؟)

ماما كانت دايما عصبية …..

بابا كان بيحبنا اوي….كنت دايما بأحس انه مستني لحظة مرواحه من المدرسة عشان يشوفنا…..

بابا كان اب متعاون ومتفاهم…..

بس انا كنت جوايا متغاظة من ماما ….هي ليه حاسة ان احنا مشكلة؟؟؟؟

سألت بابا …قال لي (ده فكر جاهلي يا ياسمين  البنات والولاد رزق يا بنتي )

لكن عمي كان بيضايق بابا ساعات …..وكان كلمة ابو البنات شتيمة….

سمعته مرة جايب له عروسة

بابا ابتسم وقال (انا عندي 5 عرايس اساميهم مني وسلوي و…)

عمي قاطعه (خلف لك ولد قبل ما تكبر )###بابا ابتسم……

الايام بتمر

ماما عندها عقدة نقص وبابا ﻷ….

احنا بنحب بابا

عمري ما حسيت اني تقيلة عليه….

لا انا ولا حد….

ماما برضه زهقانة مننا 

لحد….

موت شيماء ..😟😟😟…

شيماء ماتت عندها 10 سنين بعد جرعة بنج زايدة في اللوز…..

عيطت كتير انا واخواتي . ..ماما انهارت…..

بابا… ثابت….الحمد لله. …علي لسانه…….رغم شكواه ضد الطبيب

بابا طبطب علينا كتير …واحتوانا

من يومها بس ماما بطلت تعاملنا كأننا عبء….

مرات عمي فخورة بالصبيان الاربعة…..

الايام بتمر….

بابا حافظ القرآن وبيحاول يحفظنا …وبيزور شيماء  …..انا مش قادرة ابدا انسي شكله وهو راجع من المقابر ….بيردد بصوت منخفض (شيماء ماتت )….

لكن…..

الايام بتمر…

حياتنا مع بابا كانت سهلة وماما كمان اتغيرت….ساعات كنت بأقول لنفسي يا حبيبتي يا شيماء ما حستيش بالفرق…ايامك ماما كانت صعبة….)

مني دخلت طلية الصيدلة…..

سلوي دخلت كلية الهندسة…

انا…في ….علوم….

ومرفت في طب .  .

بابا لسة احلي قعداته معانا مش علي قهوة ولا مع اصحابه.. 

عمي دايما صوته عالي مع ابنه الكبير بالذات….

مرات عمي بتبكي…..

دايما تاعبهم….

اكتشفوا انه مدمن…😟😟😟

حاول بابا كتير يعالجه…..لكن للاسف عمي كان مربي ولاده بالاهانة والضرب…ابن عمي مكانش شاب وحش….ايوة اسامة كان طيب لكن عمره ما اتفهم…..كلنا حاولنا….لكن……

وانا في تانية علوم

جالنا الخبر

أسامة مات بجرعة مخدرات زايدة…😟😓

عيطنا كتير  وطنط  دخلت المستشفي …

من بعدها عمي

كنت ساعات كتير بأشوفه يطبطب علينا ….ويقول البنات…♡♡

مش هم ولا حاجة…..اتعينت في كلية العلوم معيدة……بابا بيكبر بس صبره وابتسامته ما فارقوهوش….

بابا ع المعاش…وتلامذته اللي كبروا دايما بيسألوا ……

اتقدم لي واحد من تلامذته……كفاية انها بنتك يا استاذ محمد….

اتجوزت تامر تلميذ بابا…..

اللي بقه …مدرس في كلية الالسن ..

بس عمره ما نسي مدرس الدراسات الاجتماعية …

بابا…مات………

ايوة مات..

يوم موته مكنتش عارفة ده فرح ولا مأتم….

كل تلامذته…

اشللي بيحكي عن مساعداته المادية ليه وهو طالب

واللي يتيم و بيحكي عن لبس العيد اللي اشتراهوله….

والام اللي جاية تقول انه درس لابنها ببلاش

الطالب اللي جاء يبكي ويقول ده اول شخص طبطب علي….

الله يرحمك يا بابا …..

مع طلبتي مكملة مسيرتك . .

وتامر كمان مكمل…..

الناس الحلوة مش بتموت. …عشان اعمالها الصالحة مكملة من بعدها……علي فكرة انا كمان عندي تلات بنات ….هنا ورناولمي…….هم نور عين ماما……

القصة صلاح الابن مش نوع الابن ولد ولا بنت……

رحم الله والدا اعان ولده علي بره

المربي الصالح انت احسن هدية من رب البرية

المصدر:د ايناس فوزي مركز ايناس و الأطفال

أضف تعليق