قواعد الجيم الأربعون

قواعد الجيم الأربعون

سوف نقدم لكم اليوم في موقعكم المفضل موقع يفيدك مقالة مميزة بعنوان قواعد الجيم الأربعون مقدمه من الصفحة المميزة مصنع العضلات، هيا بنا لقراءة المقالة سويا .
-قول عاش
-اتصاحب علي كابتن الجيم و أول ما تخش روح هزر معاه بصوت عالي و كلمه عن تمرينك و تمرينه و حتي لو مش طايقك و مابيردش عليك مش مشكلة رد علي نفسك
-اختار أي عيل صغير و اديله نصايح في الحياة
-اختار واحد لسة بادئ و طلع عيوب الجيم كلها فيه و فاهمه انك كابتن مصر و كده , حينبهر بيك فشخ
-قول عاش
-و أنت بتتمرن زعق جامد و قول عااا عشان الناس تحس انك جامد
_اختار أي واحد جامد و طلع عليه غلطة في تمرينه و انصحه يشتغل صح ازاي , لو ما لاقتش غلطة مش مشكلة طلع غلطة في نفسك و انصحه يبعد عنها ازاي
-قول عاش برضو طول ما انت شغال
_و أنت شغال أول ما تخلص مجموعة ارمي الحديد من ايدك جامد و اندمج في اللحظة , بيجيب نتيجة فشخ
-اربط ايدك و رجلك و أي حتة في جسمك علي قد ما تقدر بشاش أو قماش , بيعمل “show” عالي
-اتصور قدام المراية سيلفي و أنت رافع التيشيرت , حتي لو معندكش عضلات مش مهم الناس حتنبهر برضو
-شوف أي واحد عملاق في الجيم اتصور معاه عشان يبان انك بتتمرن مع ناس جامدة و بتاع
-قول عاش
-دايما كل نظراتك في الجيم يكون فيها استحفار فشخ كأن كله بيتمرن غلط و أنت جون سينا
-اتفرج علي فيديوهات عالنت بتاعت تمارين الأبطال و الحاجات دي , علي أساس انك حتعمل زيهم و كده يعني
-اعمل لايك لصفحه عندي يا اخي بقا ههههه”
-اكتب كل يوم بوست , مفيش حاجة اسمها فشل أو “no pain no gain ” و الكلام الحماسي فشخ ده
-اشتري بروتين و اتصور بيه
-قول عاش
-البس تيشيرت الضيق عاللحم و كل شوية بص لجسمك
-خلي كل كلامك عن الجيم
-لو جربت تشيل وزن تقيل و معرفتش فول أنا كنت بشيله زمان أيام الفورمة بس بطلت بسبب الاصابة
-كل ما تغلط أو ماتعرفش تشيل وزن قول كنت بعمل زمان
-قول عاش
– و أخيرا زي ما قال صديقي و معلمي و تلميذي ” مش شرط يكونوا أربعين قاعدة بس ده مجرد عنوان للفت الانتباه و التشويق
منقول للضحك

أضف تعليق