كان نفسي اربي ابنى غير ما اتربيت بس باكرر اللي امي عملته بالضبط

سوف نتناول اليوم فى موقعكم المفضل يفيدك عن كان نفسي اربي ابنى غير ما اتربيت بس باكرر اللي امي عملته بالضبط… نتمنى أن تلقى اعجابكم بأذن الله


الكلام ده لسان حال أمهات كتير ……
المقال ده هيساعدك تفهمي ليه بتقراي في التربية بس بتتصرفي غلط ….أو غير ما انت عاوزة ..
نقول بسم الله الرحمن الرحيم
في حاجة اسمها في علم النفس الحيل الدفاعية =حجات الإنسان بيعملها عشان يداري بيها توتره…..
دي هي من أهم الأسباب اللي بتخليكي….مش عارفة تربي صح….. 
يحصل موقف يوترك…
ترتبكي….تقومي تعملي حيلة نفسية دفاعية  ….تلخبط كل الصح اللي عاوزة تعمليه…عاوزة تفهمي اكتر….طيب تعالي نفهم الأول  اي الحيل الدفاعية دي….

اولا

 الكبت…..انت جواك تعب كبير وتوتر كبير من مواقف حصل لك…..ومكبوتة….عاملة زي حد من جواه مش مرتاح…ومش عارف ليه مش مرتاح…..مهما قرأ ومهما عمل ….تعبان…..اللي قرأه بيدخل علي نفسية مليانة توتر………(زي اللي بيصب لبن….في كوب به تراب)
وده محتاج تصفي نفسك…ازاي انت محتاجة تلجأي الي الله بالدعاء ثم الاستخارة تعملي جلسات علاج ماضي تفك اللي جواك
___

ثانيا …

الازاحة….يعني كان المفروض ان جوزي وترني..يبقي ازعل منه….بس انا مقدرش ازعل منه لأنه هيعمل مشاكل والبديل ازيح الزعل الي ابني وازعق له لاني اقدر ازعق له….. ودي حاجة بنشوفها كتير جدا في تعديل السلوك….
والحل ازعق لجوزي ؟؟؟؟لا انت محتاجة تتعلمي مشاعرك….وتفهميها….وتعرف تعبري عنها….بس لازم اعبر عن توتري للي وترني..بالنقاش  أو العتاب ….أو أي تصرف مناسب. ومعملش إزاحة تجاه حد برىء.
_____

ثالثا….

 رد الفعل المعاكس =يعني أي…..التظاهر بعكس ما سببه لي التوتر…..مثلا الناس بتهاجم اسلوبي في التربية يبقي انا اتظاهر انه ولا هاممني …وانا متوترة بجد……فده يخليني اظهر هدوء مش حقيقي…وجوايا متوترة …..جدا…..والحل اعترفي انك متوترة….وتعالي نشوف التوتر جاي من اي…عندك قناعة بأهمية رأي الناس فيك….طيب تعالي نحللها ونعالجها……في جلسة نفسية أو نقاش واعي
_______

رابعا…

 التبرير.وده حيلة دفاعية بيعملها أمهات كتير …انا بضرب ابني عشان بحبه…..عشان خايفة عليه….عشان…وعشان……التبرير هو باختصار تقديم مبرر تحفة لسلوك غلط…….وانا مش بانفي …انك بتحبيه …بس ده مش الحب مش ده أسلوبه………
والحل اعترفي بغلطك ..بلا مكابرة….واتعلمي من كتاب ازاي تعبري عن حبك  …لابنك..
___

خامسا 

الإسقاط……..
ام معقدة من شخصية أخوها…..
تقوم تسقط كل ما كرهته فيه وسبب لها قلق …علي ابنها وتبدأ تهاجمه من أجل تقويمه……
يعني احط الحجات اللي موتراني من حد في شخصية ابني…واتخيل انه .. هيكررها
______
طبعا فيه حيل تانية
بس عاوزة تقراي بوعي….وتشخصي نفسك…. وتستغفري   من قلبك…..ولا تخجلي …من ابداء خطئك….
لازم ننظف وعاءنا الداخلي من التراب
قبل ملؤه….باللبن.. (نعالج نفسنا قبل ما نربي)
____
طيب ده ماله ومال انا اترييت ازاي….
انا بعمل  حيلة دفاعية  لاني اصلا اسلوب تربيتي ….عودني اهرب…..من الواقع….ولا أواجه…
التوتر فعلا متعب
بس الاتعب  منه …. اني امشي في طريق غلط….
اعترف بتوترك…..وطلعيه صح….
ده كان مقال من مقالات التربية من اول وجديد
دمتم احبة…ادعو لي بحسن الخاتمة




المصدر:د ايناس فوزي مركز ايناس و الأطفال

أضف تعليق