كيفية التعامل مع عصبية الطفل

كيفية التعامل مع عصبية الطفل

كيفية التعامل مع عصبية الطفل

ابني لما بيتعصب بيرزع و يزعق و مش بيحترم حد.. و مفيش حاجة جايبة نتيجة معاه لا عقاب و زعيق و لا ضرب حتي…😒
احنا في الاول محتاجين نتقبل ولادنا و هما غضبانين بمعني انه الطفل له الحق انه يغضب .. هو ملوش الحق انه يعبر عن غضبه بطريقة غير لائقة ..
يعني مش هزعق لابني عشان متعصب … انما هساعده انه يهدأ و يعبر عن غضبه بطريقة لا تأذيه او تأذيني..
لما اتعصب علي ابني و هو متعصب ده بيخليه يثور و هيكون صعب التحكم فيه..

كيفية التعامل مع عصبية الطفل


#خطوات_عملية…
#للاطفال_قبل_عمر_المراهقة :
-محتاجين يفهموا مشاعرهم … في كروت بتكون مرسوم عليها مشاعر و في ضهرها تعمل ايه لما تحس بالشعور ده… بنستخدمها  في وقت  الطفل هادي  عشان وقت الغضب يعرف نطبقها … دي بتكون مفيدة جدا عشان الطفل يعرف هو حاسس بإيه و لما يحس الاحساس ده يعبر عنه ازاي ..
-محتاجين نقرأ قصص و حواديت عن المشاعر و لما نعبر عنها بطريقة غير لائقة الناس بتزعل ازاي و الخساير اللي بتعود علي الواحد😔..

كيفية التعامل مع عصبية الطفل


#للاطفال_في_عمر_المراهقة ..انا بحتاج اني اقعد معاهم و نتكلم عن مشاعرنا و ازاي نعبر عنها  و ازاي نفرق بين اني غضبان ولا غيران ولا خايف…
و كمان افهمه انه  وقت الغضب الجزء المسئول عن التفكير في المخ بيكون متوقف عشان كدا بهداء و بعدين اتكلم..
محتاج يفهم انه ازاي يركز انه اول ما يتعصب محتاج يمشي من المكان عشان يهدأ و يتنفس.. اهم حاجة تكون لحظة صفا  ما بينكم و بطريقة يتقبلها …

#للاطفال_من_عمر_٣_سنوات_الي_المراهقة :
محتاجين في وقت الهدوء .. اتكلم مع الطفل اني حابة اعمل لنفسي ركن لما اتعصب اروح اهدي نفسي فيه و احط فيه حاجات تهديني 😌 و اشجعه يعمل زيي و نفكر مع بعض نحط ايه ( كورة بتاعة stress , بازل ، الوان، قصص) .. اي حاجة تخليه يسترخي او يشغل مخه عشان يهدأ💆🏻‍♂

كيفية التعامل مع عصبية الطفل


#طب_لما_يغضب_اعمل_ايه_معاه؟!🤔
-افهمه اني حاسة به “انا عارفة انك متعصب عشان حصل كذا… انا حاسة بيك..” (ده بيقلل من الشعور ب نسبة ٧٠%)
– اذا لسه متعصب ..” انا عارفة قد ايه انت متعصب و محتاج تهدأ عشان نعرف نفهم بعض … تحب تروح ركن الاسترخاء بتاعك ..”  اذا رفض “طيب تحب اجي معاك” .. اذا رفض “طيب انا حاروح بتاعي” (خليكي قدوة له انك لما تتعصبي بتروحي تهدئي ..في الغالب هيروح هو كمان مع الوقت)

طب اذا لسه متعصب و مش راضي يروح🙄… سيبيه يهدأ بس مش و انتي سايباه يتفلق…
 ” انا عارفة انك محتاج تهدأ عشان نتكلم تحب اقعد معاك ولا تحب تقعد لوحدك”.. اذا رفض انك تقعدي
 ” انا مستنياك في الاوضة .. عشان تهدأ و نتكلم “..
اذا مجاش تروحي عليه تقوليله
“اول ما تكون مستعد انك تتكلم انا مستنياك…”
#طيب_اذا_قال_كلام_غير_مقبول ؟
بقوله ” انت غضبان عشان كذا انا عارفة.. و انا لا اسمح لحد يقولي كذا… انا مستنياك تهدأ عشان نتكلم”  مش معني انه غضبان انه له الحق انه يقول كلام غير مقبول

كيفية التعامل مع عصبية الطفل


#ارجوكي متعتبيش و لا تلومي علي كلامه و في وقت غضبه … بعد ما يهدأ نتكلم  و نشوف ازاي ممكن يعتذر او يعوض اللي عمله…
#افتكري انك انتي مثل اعلي له… اذا مش عارفة تتحكمي في غضب لا تنتظري منه يتحكم فيه…
 وقت غضبك محتاجة تسيبي المكان عشان يتعلم منك…

#د.زهراء محمد استشاري نفسي و مدربة تربية ايجابية و اخصائي تعديل سلوك
المصدر:Enjoy Being A Parent – قَرَّةٌ عَيْنَ

أضف تعليق