كيف ازرع في ابني معرفة الله ومحبته


سوف نتناول اليوم فى موقعكم المفضل يفيدك عن كيف ازرع في ابني معرفة الله ومحبته نتمنى أن تلقى اعجابكم بأذن الله



مقال بعنوان كيف ازرع في ابني معرفة الله ومحبته والخوف منه مراقبته في السر والعلن ؟

في السن الصغير سن العامين والثلاثة امدحي الطفل بقولك (انت احلي طفل خلقه ربنا )

لما تكوني معه في مكان اشيري للسماء (ربنا خلق السما )

لما يكبر شوية رددي الحمد لله انا باحمد ربنا هو اللي خلقني وخلق كل الناس /امام الطفل

كمان 

قفي معه امام وردة جميلة بحديقة ربنا هو اللي خلقها يعني عملها…ربنا عظيم ربنا جميل

دخلي الكلام عن ربنا في الجمل العادية اللي بتقوليها في السن الصغير لان العقل بيحفظ الكلام



لما تصلي قدام الطفل قولي (انا باحب ربنا وباصلي له )

كده من غير سبب من غير حتي ما يسألك



لما تجيلك حاجة تفرحك اسجدي امام الطفل شكرا لله (باشكر ربنا هو اللي اداني الحاجة دي )

في سن 5 اعوام  تحكي قصص الانبياء ببساطة ربنا ارسل النبي فلان عشان يعلم الناس يعبدوا ربنا

المؤمنين  بيدخلوا الجنة



الكفار بيدخلوا النار  (ربنا نفسه يا حبيباتي اوضح ان لديه نار فلا مشكلة من ذكر ذلك للطفل لكن اربطي النار بالكفر او عدم معرفة الله عز وجل )



الفتي نظر الطفل وانتي بتحكي ان الكفار دول بيعبدوا صنم حاجة زي العروسة مش بتفهم ولا تتحرك ولا بتعملهم اي حاجة

احنا بنعبد ربنا اللي خلقنا

فين ربنا ؟ في السما. .لكن بيشوفنا واحنا في كل مكان

امتي هنشوفه )؟ في الجنة

ليه مش دلوقتي ؟ عشان عنينا دلوقتي متقدرش تشوفه

بس بتشوف الحجات اللي خلقها



-في حياتك العادية نادي ابنك وانت بتنظفي دجاجة…طلعي القلب

الفتي نظره لعظم واحكام خلق قلب الدجاجة

لا يهتم بمخلوق ضعيف كالدجاجة الا من خلقها

والفتي نظره ان هناك تشابه تركيب بين قلب الدجاجة وقلب الانسان

لان الصانع واحد وهو الله



-لما تتكلمي عن حد غلطان عامل حاجة مش صح دايما الفتي نظر الطفل ان الله يسامح وانه غفور لكل من اخطأ

وان الرجوع اليه سهل



-احكي عن الرسول صلى الله عليه وسلم  وحبه للناس وطيبته معاهم وان اللي امره بكل ده ربنا

ربنا بيحب الناس

ربنا ييرحم الناس

رددي الجمل دي



-قولي لابنك ادخل اوضة كده واقفل علي نفسك (من سن 5)انا كده مش هشوفك لكن عارف مين شايفك 

الله ..ازاي ؟ ؟ ؟

الله في السماء يري كل الناس منعرفش شكله لكن هنشوفه في الجنة عنينا هتشوفه وقتها



-لما تدعي ادعي قدامه

قولي لابنك انا بادعي ربنا لو جاب لي الحاجة خير لو محصلتش خير لان ربنا عظيم ويعلم الخير انا مش كل شئ باعرفه



-مرات كده من غير سبب افتحي فيديو عن تكوين النملة او النحلة

وعظيم الخلق فيها

اللي خلق كل التفاصيل اللي ف جسمها ربنا

اللي مشاها ربنا



-فيه حاجة عظيمة اوي جوانا خلقها ربنا اعظم حاجة. ..الروح…”من سن 7″

مينفعش تبقي الروح  جوانا ومنصليش

ايه هي الروح ؟ ؟

هاتي نبات حي ونبات ميت الفرق بينهم الروح

ايه تكوين الروح ؟ ؟قولي لابنك مفيش اي عالم بشر قدر يعرف  ايه هي الروح ربنا بس اللي يعلمه (قل الروح من امر ربي وما اوتيتم من العلم الاقليلا )



-الصلاة صلة باللي خلق جوانا الروح بنكلمه مينفعش منصليش ……

دايما رددي الجمل دي (انا واثقة من اختيار ربنا)

استغفرك ربي 

مش ممكن هتعملي الحجات دي باخلاص وصدق نية مع طفل الا وهيتزرع في قلبه..حب الله

احنا بنخاف من الله..لاننا بنحبه..ومش بنحب نعصاه

وهو بيسامحنا لو غلطنا



اللهم اني اشهدك اني احبك.واخافك…

وزرعت في قلب ابنائي حبك وخشيتك

اللهم ارزقنا حبك وحب من احبك وحب عمل يقربنا الي حبك


المصدر:د ايناس فوزي مركز ايناس و الأطفال

أضف تعليق