لو الشركة فجاة طلبت منك تكون مطور اعمال وانت سليز ..حتعمل ايه؟

جعلونيBusiness Developer!

لو الشركة فجاة طلبت منك تكون مطور اعمال وانت سليز ..حتعمل ايه؟


المكان؟ في شركة ناشئة، الزمان أول شهر 2، الأحداث؟  خناقة كبيرة ومحدش عارف يهديها مابين فريق الـ Sales وفريق الـ Business Development


بيتخانقوا على الـ Job description وحاجة في منتهى أين بدأ الخلق جدًا يعني…! طب إيه هو الـ Business Development ، ومين هو الـ Business Developer ، وليه الخناقة الكونية ديه موجودة اصلا!


الـ Business Development هو اللي بيخلق  Long Term Value للشركة من خلال إتجاهين بيركز عليهم :

•بيجيب فلوس زيادة من العملا اللي عندك يعني بدل ما كان العميل بيصرف X نخلي إزاي نفس العميل ده يصرف 2X وهو مبسوط وراضى بشكل تام.

•بينقل الشركة من مرحلة اللي هي فيها لمرحلة أعلى بأكتر من طريقة هنتكلم عنها بعد شوية.

لو الشركة فجاة طلبت منك تكون مطور اعمال وانت سليز ..حتعمل ايه؟


بيقولوا إن الـBusiness development


 is the building of long-term value for an organization from customers, markets, and relationships.

الـ Business Developer يعتبر هو البوصلة اللي بيوجه الشركة ودايمًا جزء كبير من نجاحها بيعتمد على مدى مهاراته
وهتلاقيه دايما بيشتغل على  إنه يحقق الـ Objectives ديه:

1_ الـ Profit بيزود أرباح الشركة
2_ الـ Market Share بيزود الحصة السوقية لشركته
3_ الـ Prestige بيحسن من سمعة الشركة في ذهن العملاء.
4_ الـ Relationship بيقوي علاقتها مع الشركات التانية
5_ الـ Power بيعمل دعم ونفوذ للشركة من خلال المؤسسات الكبيرة في الدولة والمؤسسات الحكومية


 وبيعمل ده من خلال  5 Stratgies :

1_الـ B2B Sales
أسرع طريق لقلب الـ Besiness Developer هو الـ Sales اللي بتيجي عن طريق الـ Business to Business..
لإنه ده أسرع مصدر هيدخله ربح كبير عادة البيزنيس اللي مابين الشركات بيقوم على مبيعات أكبر بكتير من B2C Sales واللي بيكون مابين الشركات و الـ Users

2_الـ Strategic partnership

خلينا متفقين على مبدأ مهم جدًا وهو إن أي Business مش هيعتمد على مصدر دخله من مكان واحد وإلا هيفضل واقف مكانه! 

وإن الشراكة بتحصل لما بيكون كل طرف منهم متأكد إنه مش هيقدر يحقق الهدف ده من غير الطرف التاني.
الـ Strategic partnership هتضيفلي إيه؟
هتلاقي نفسك خرجت من الشراكة ديه بفايدة او اكتر زي

1_ الـRevenue إيرادات زيادة مكنتش موجودة قبل كده

2_الـacquisition إستحواذ على قاعدة عملا جديدة

3_هتعمل لنفسك Branding

4_الـAdded Value أو إنها تضيفلك قيمة مكنتش موجودة عندك

في الغالب الشراكات الإستراتيجية بتتعمل مع:
• الشركة اللي عملائها نفس عملائي
•أو اللي نفس العميل بيروحلها قبلي أو بعدي

لو الشركة فجاة طلبت منك تكون مطور اعمال وانت سليز ..حتعمل ايه؟


انواع الشراكات الإستراتيجية

 •الـProduct-based partnership
النوع ده من الشراكات هدفه تحسين جودة المنتج النهائي وبتقوم الشراكة ع إن شركة بتزود الشركة التانية بمنتجاتها عشان تحسن من جودة المنتج

•الـ Lead generation partnership
النوع ده من الشراكات بيقوم على استهداف نفس الشريحة لكن كل شركة منهم بتقدم منتج مختلف عن المنتج التاني
والهدف هنا من الشراكة بإنهم يرشحوا بعض للعملا

•الـ Brand-based partnership
والنوع ده بيكون هدفه ترويج العلامات التجارية لكل شركة
عند عملاء الشركة التانية من خلال إنهم يعملوا منتج جديد بيحمل العلامتين التجاريتين للشركتين أو إنهم يتعاونوا في تنظيم إيفنت

•الـ Sopnsership
والشراكة ديه بتقوم من خلال تقديم مبلغ مالي أو دعمهم ببعض الموارد لمؤسسة بتنظم إيفنت أو أندية رياضية مقابل إنهم يعرضوا العلامة التجارية للشركة الراعية في أثناء الإيفنت أو الماتش أو أيًا كان..

•الـ Distribution-based partnership
وده بقى بيهدف لخلق قنوات توزيع جديدة عن طريق شركة تانية مقابل نسبة من مبيعات المنتج ده


3_الـ Strategic Business Decisions
الـBusiness Developmen هو حلقة وصل مابين الـ Marketing و الـ Sales بإختصار شديد في عملية تطوير الأعمال بيكون الـ Marketing هو العقل المدبر و  الـ Sales هو الجسم المتحرك..

الـBusiness Developer لازم يكون عدى على 3 مجالات شكل فيهم الـ Skills اللي عندهم وهما الـ Marketing , الـ PR , الـ Sales وعشان كده دايما بتحصل الخناقة اللي كانت فوق فاكرينها؟

لو الشركة فجاة طلبت منك تكون مطور اعمال وانت سليز ..حتعمل ايه؟


وبحكم الـ Position اللي هو فيه فهو بيكون قريب من العملا وقريب من الٱدارة وده بيخليه يدرس السوق وإحتياجاته والمنافس وإتجاهاته والعميل ومتطلباته..

وده بيساعده في عملية إتخاذ القرارات اللي بتنقل الشركة من مكان لماكن تاني ، والقرارات ممكن تكون:

•فتح أسواق جديدة
•تغيير خواص المنتج
•إضافة منتج جديد
•إستهداف شريحة جديدة من العملا

4_ الـ Strategic Maeket Research

عشان أي قرار من اللي فوق ياخد مجراه للتنفيذ لازم يتعمله Market Research مبدئية لإن البيزنيس لا يقوم إلا على أرقام وإتجاهات واضحة ، قبل أي خطوة لازم دراسة للسوق الجديد اللي هتدخله هل الفكرة هتنجح أو لأ ، ينفع ننفذها بالشكل ده ولا نغيره وهكذا..
وبعدها فريق الـ Marketing بيقوم ب Market Research بشكل أوسع

5_ الـ Strategic Initiatives
من الحاجات اللي ممكن تضيف للشركة Value حقيقية عند العملا بتوعها أو حتى عند شريحة جديدة هي المبادرات اللي بتقوم بيها الشركة واللي بتحقق للشركة أهداف بعيدة المدى.

الـ Business Development مش مجرد جملة في سطرين وإنتهينا، ده مجال محتاج نفس طويل ومعافرة مش صعب تدخله لكن محتاج تركيز وخبرة ونفس طويل والسلام..

لو عندك سؤال في الـ Business Development قولنا عليه في كومنت ❤

المصدر:Skillaya

أضف تعليق