ما هو التسويق؟ وهل انا ممكن اخسر شركتى؟

ما هو التسويق؟ وهل انا ممكن اخسرشركتى؟

ما هو التسويق؟ وهل لو ممكن اخسرشركتى؟





معظمنا عارفين ان التسويق مهم و عارفين ان هو من اهم 10 وظائف مازالت مستمرة و لم تنقرض وشئ أساسي في حياتنا بس تقريبا مش فاهمينه كويس وده لضعف المادة العربية وعدم قدرتنا لفهم المحتوي الأنجليزي او ان المحتوي اللي مكتوب قديم جدا بلغة غير لغة عصرنا و دة اللي هنحاول مع بعض في رحلتنا نسهل عليك الفهم و الأستيعاب .

يعني اية تسويق ؟

أبسط صورة لتعريف التسويق هو ” إقامة علاقة مربحة مع العميل ” ودة الجانب البسيط و يمكن يكون النهائي للعملية التسويقية أنت كعميل بتشترى المنتج او الخدمة اللى انا بقدمها وده بيتم بمراحل بتوصل بينا لعلاقة قوية لتتم عملية الشراء .
طب اية اللي وصلنا للعلاقة المربحة ؟
هنا هنتكلم عن التسويق من ناحية تانية و هل هو علم و لا فن ، الحقيقة هو الأتنين و هنا بنتكلم ان التسويق عملية محددة ليها خطوات ممنهجة فهو علم ، وفن لانة يحتمل قدر كبير من الأراء المختلفة قائمة علي الأبداع وكل منا له منظوره فهو فن مقدم من انسان الي انسان .


ما هو التسويق؟ وهل لو ممكن اخسرشركتى؟





حضرتك بتقولي اني ليا قيمة كشخص مهمة في العملية التسويقية ؟
دة حقيقي ذكرنا مسبقا إقامة علاقة مربحة ، وفن و علم ، كل هذا يتم في العملية التسويقية من اجل تقديم قيمة حقيقة ( سواء منتج او خدمة ) .هو حضرتك عاوز توصلني لنقطة ان التسويق مرتبط كليا بيا انا كعميل !!بالظبط هو مختصر العملية المفيدة ان التسويق هو كيفية تقديم “قيمة” سواء منتج او خدمة انت “محتاجها” بتحل مشكلة عندك “ترضي”عنها بشكل كبير .. بالظبط هما دول ال 3 عناصر .نفس الإنبهار اللى عندك ده حاليا أنا وقعت فيه لما عرفت أن كل اللى فات ده أحد تعريفات التسويق من فيليب كوتلر الاب الروحى للتسويق وله كتب عديدة في المجال اشهرهم ” اساسيات التسويق ” ممكن تبعتلي رسالة ع الصفحة فيها الأيميل وانا ابعتهولك … لو محتاج تقرأه

السوال المهم هنا هو انا ممكن اخَسَّر شركتي بأيدي ! ،
 انت ممكن تكون خسرتها و انت مش واخد بالك و شايف انك بتعمل حاجة صح ، بس متخفش انت مش لوحدك اللي وقعت في الموضوع دة شركات كبيرة و غلطت و احنا جايين النهاردة  نوضح ازاي ناخد بالنا .

ما هو التسويق؟ وهل لو ممكن اخسرشركتى؟




مثال 1 :
شركة شيفرولية و هي من الشركات المنتجة للعربيات في السوق الأمريكي اطلقت في الماضي احدى منتجاتها و كانت يطلق عليها مسمي “نوفا” و حققت تلك العربية نسبة مبيعات رائعة حين ذاك ، و هنا بدء التفكير في التوسع في أسواق جديدة من قبل الشركة ، وكانت احدى الأسواق “المكسيك” .بعد ان تم غزو المكسيك بالمنتج الجديد”نوفا” تفاجئ صناع القرار في الشركة بركود في عملية البيع و ضعف شديد من جانب الجمهور حول العربية و شرائها ، وبدء هنا مرحلة البحث عن إيجاد المشكلة المتسببة في ذلك وبعد بحث موسع وجد الباحثون ان مسمي  المنتج “نوفا” يشتبة في لغتهم الأسبانية بمعني “لا تمشي” و هنا ظهرت المشكلة ان من الصعب علي الشخص يشتري عربية مسماها لاتمشي !.


مثال 2 :
نجد أيضا شركة “جيربر” المصنعة للمنتجات الغذائية للأطفال في الولايات المتحدة ، اعتمدت علي التوسع في أسواق جديدة و كان اختيارهم في “ادغال افريقيا” والأعتماد علي نفس أسلوب الدعاية و تغليف المنتج و توزيعة كما في الولايات المتحدة ، و كانت النتيجة اقبال ضعيف علي المنتج و سؤء في نسبة المبيعات .
و عند البحث عرف السبب ، مفهوم سائد في البلاد الافريقية ان الصورة المتواجدة علي اغلف الأشياء تدل علي ما يوجد بداخلها ، وطبعا شركة “جيربر” في تغليفها تعتمد علي وضع صور الأطفال علي منتجاتها كعنصر ناجح في جذب العميل في الولايات المتحدة ، ولكن هذا يعني في افريقيا انا ما بداخل العبوة هو طفل ، فمن يأكل الأطفال !.


ما هو التسويق؟ وهل لو ممكن اخسرشركتى؟



لو لاحظنا ما سبق سنجد ان الرابط ما بنهم هو ضعف المعلومات و الداتا المستخدمة  حول السوق و الجمهور مما ادي الي مصائب كارثية و هنا لانعني ان الداتا تستخدم فقط لهذا و لكن عدم وجود دراسة و أبحاث ينتج عنها احصائيات وأرقام  يأخذ بها قرارت حقيقة يعني خسارة حتمية للشركة وهذا هو دور “البحوث التسويقية”  وهي أولى الخطوات في العملية التسويقية.وتأكيد علي ما فات  يتحدث دان وهو احد الكتاب و المفكرين في علم التسويق و له كتب عديدها ابرزها “the science of marketing “
“Marketing without data is like driving with your eyes closed.” – Dan Zarrella..و في العصر الحالي اكثر شيء بيدرس ويجب ان يتواجد بداخل أي شركة في قسم التسويق هو “Management Information Systems”..عن طريق البحوث التسويقية.


ما هو التسويق؟ وهل لو ممكن اخسرشركتى؟




يعني انت عاوز توضحلنا اننا محتاجين قبل أي حاجة تواجد معلومات مجمعة بعناية سواء عن السوق و عن الجمهور و عن كل حاجة تقريبا عن طريق البحث التسويقي وبعدين نأخذ قراراتنا .. بالظبط ، طب هي اية الطرق و الأدوات اللي هجمع بيها المعلومات ، و علي اي أساس و أية الخطوات اللي هقوم بيها ، مدام وصلت لحد هنا يبقى دة موضوع كلامنا الجاي .

احكيلي عن قرارات او أفكار نفذتها من غير دراسة و كانت اية النتيجة .

المصدر: Adel Shoaib

أضف تعليق