مش عارفه اشتغل من ولادى ..ايه الحل!!

سوف نتناول اليوم فى موقعكم المفضل يفيدك  رسالة من ام  نتمنى أن تلقى اعجابكم بأذن الله





👌👌 أمهات كتير بتشتكي 

– كل ما ولادي يشوفوني بتكلم في الموبايل يبدأوا يتخانقوا وصوتهم يعلى واقعد اشاور واحذر واهدد واقفل علي باب غرفتي عشان يسكتوا على ما اخلص المكالمة يزيدوا فيها وما يسكتوش الا اما انهي المكالمة ..

– ابني اول ما أمسك اللابتوب او ابدأ اشتغل تبدأ الطلبات : ماما عاوز اكل ، عاوز أشرب ، احكي لي حكاية ، عاوزة اروح عند جدو دلواقتي عشان واحشني قوي ، عاوز يلبس لَبْس الصيف في الشتا أو العكس  ..

= وغالبا بيكون رد فعل الام اما التجاهل أو العقاب والغصب وبتكون النتيجة انهم فعلا بيزيدوا في محاولاتهم جذب انتباهها بالسلوكيات اللي تضايقها وتعطلها وتضغطها اكتر .. طب والحل ؟!

= الطفل بيبدأ يعمل تصرفات سيئة أو غريبة لما يشعر بالتوتر نتيجة إهمالنا ليه او اننا بنهتم بأي حاجة أكتر منه ( شغل . مكالمات .. فيسبوك.. بابا.. شغل البيت .. الخ ) او لما بيبقى عاوزنا ننشغل بيه وبطلباته فيبدأ يلفت انتباهنا ليه لان من اهم احتياجاته النفسية الشعور بالأهمية والتأثير وخاصة من ماما وبابا

لما يبدأ الطفل يتصرف كده في كل مرة بتنشغلي فيها عنه عليكِ بالآتي

١. وقفي كل حاجة بتعمليها لثواني اعمل معاه تواصل بصري ( بصي في عينيه ) وقوليله انا أدامي مثلا عشر دقايق اخلص اللي في أيدي / انهي المكالمة وبعدين نتكلم  .



٢. أو اديله خيارات لحاجات ممكن يعملها ويستمتع بيها في خلال العشر دقايق مثلا : ايه رأيك تحب تلون ولا تلعب games على ما اخلص وشجعيه وقوليله انا متأكدة انك هتقدر تستغل وقتك كويس ومثلاً هتلون احلى صورة ،  .



٣. بعد ما تخلصي اشكريه واسأليه عمل ايه في الوقت ده وعن التفاصيل ازاي لونت الصورة الحلوة دي ؟! وصلت ل level كام في ال game ؟!



٤.  عشان تشبعي حاجته النفسية للأهمية والانتماء ولا يلجأ لتصرفات تضايقك خصصي وقت للجلوس معاه (ال Quality time ) اتكلمي معاه في أي حاجة بيحبها احكي له حكاية ، اتفرجوا على ألبوم الصور وهو صغير وكان بيتكلم ازاي وبيعمل ايه، العبي معاه لعبة تستمتعوا بيها انتوا الاتنين  ..

– في أم هتقولي انتِ بتحلمي و انا مشغولة ومضغوطة ومعنديش لا طولة بال ولا وقت لكده كل يوم ..!!!!



= الدراسات النفسية بتقول علشان نشبع حاجة الطفل للشعور بالأهمية هيحتاج وقت نقضيه معاه على حسب سنه  :

من سن سنتين ل 7 سنوات ( 10 دقايق فقط يومياً ) 

من سن 7 سنوات الى 13 سنة ( نص ساعة أسبوعيا )

من 13 سنة فما فوق ( ساعة واحدة شهرياً )



أعتقد انه وقت قليل جدا علشان نقلل توترهم ومعاناتهم ونوصلهم رسالة طمأنينة لانهم بالفعل يستحقون اهتمامنا وحبنا غير المشروط مهما كانت أفعالهم وتصرفاتهم  .

المصدر:

أضف تعليق