نقط مهمه وتوضيحات لو عاوز تبدا مشروع خاص بيك

نقط مهمه وتوضيحات لو عاوز تبدا مشروع خاص بيك 

نقط مهمه وتوضيحات لو عاوز تبدا مشروع خاص بيك

نخش فى الموضوع على طول 🎙️

ياريت اللى حابب يحفز الناس على انهم يبدأوا مشروعاتهم الخاصه يوضحلهم ؛
– انه ضرورى يكون اشتغل فترة كموظف و اجتهد فى مجال واحترفه.

نقط مهمه وتوضيحات لو عاوز تبدا مشروع خاص بيك


-وان مفيش حاجه اسمها اكتشف شغفك عشان دى معضلة للى مش محدد شغفه اصلا.
– و ان الوظايف مش بعبع فى ملايين الموظفين المليونيرات حاولين العالم ولسه موظفين.
– وان ستيف جوبز وجيف بيزوز و مارك وبيل جيتس و الون ماسك طفراااااااات وتجارب فريدة ملهاش مودلينج تقدر تمشي عليه فتبقي زيهم.

نقط مهمه وتوضيحات لو عاوز تبدا مشروع خاص بيك


– وان البيئه مؤثرة جدا جدا جدا للصبح.
– وانك مش هتبقي حر ولا حاجه ولا هتبقي موظف عند نفسك ، دا انت هيطلع عينك وهتقوم وتنام وانت بتفكر فى كل تفاصيل مشروعك وهتبقي شغال عند التيم بتاعك كله.
– وان ال MBA ملهاش علاقة بإنك تعمل ستارت اب.
– وان ٩٥% من الشركات الناشئة بتقفل بعد سنة.
– وان ٣% بتقفل بعد ٥ سنين.

نقط مهمه وتوضيحات لو عاوز تبدا مشروع خاص بيك


– وان الافكار الخلاقة الجديدة تماما بتحتاج فترات طويلة جدا من التوعية بيها وبناء الجمهور و طول الفترة دى النموذج المالى بيكون صعب جدا لانك محتاج تصرف كتير اوى والتدفق النقدى ضعيف جدا و احتمالية حصولك على تمويل ضعيفه جدا خلال المرحلة دى.
– ان مفيش شركة بتنجح بفرد وان فريق العمل هو اهم موارد الشركات الناشئه والفريق المتناغم القوى بيسموه “فريق الاحلام” لان تكوينه صعب جدا.
– ان تصميم الهوية مهم بس مينفعش تعمل اللوجو وتعمل صفحة فيس بوك لمشروعك وانت مش عامل نموذج وخطة عمل و نفذت ال Prototype لمنتجك او خدمتك.
– وان وان وان ،،،،

نقط مهمه وتوضيحات لو عاوز تبدا مشروع خاص بيك


بلاش ريادة الاعمال تبقي موجه وترند ونقل قيمتها عشان بس نقدم محاضرة ولا نقول اننا رواد اعمال ولا نحسس الناس اننا مواكبين لموجات التطور  وبتوع بيزنس ،
اتقوا ربنا فى الناس اللى كانت راضية بواظيفها وبتطور فيها واللى اصبحوا حاسين انهم بيعملوا حاجه غلط ولا حرام لمجرد انهم موظفين ، ولا طلاب الجامعه والخرجيين الجدد اللى بقوا يخافوا من الوظايف و متعلقين بإنهم يبقوا رواد اعمال..

نقط مهمه وتوضيحات لو عاوز تبدا مشروع خاص بيك

الخلاصة :
 العمل النظامى – الوظايف خاصه وحكوميه – ،
والعمل المستقل – عمل خاص او عمل حر – ،
وريادة الاعمال – شركة ناشئه او ابتكار فى مجال ما -. ؛
كلهم طرق للعمل و تقديم قيمة ، كلهم ليهم مميزاتهم وعيوبهم ، كلهم ليهم سمات ومتطلبات خاصة ، كلهم لازم يكونوا موجودين مع بعض ويكملوا بعض ومينفعش كلنا نبقي متبنيين اتجاه واحد بس وبنظهر مميزاته وبنتعمد نخفي عيوبه.. شكرا 🎙️

المصدر: Mohamed Green

أضف تعليق