هل الطفل اللي بيرضع وهو نايم ده بيعمل التهابات الاذن الوسطي؟!

هل فعلا الطفل اللي بيرضع لبن الأم و الطفل نايم ده بيعمل التهابات الاذن الوسطي للطفل؟؟؟؟؟
الموضوع ده كنا بنعتبره حقيقة علمية … لكن اخر ابحاث اثبتت انه غير صحيح . اللى فعلا ممكن يسبب التهابات فى الأذن الوسطى ان الطفل يرضع صناعى و هو نايم لأن اللبن ممكن يحصله ارتجاع للأذن من خلال قناة استاكيوس
و هى دى الحاجة المثبتة علميا و اللى منها جه الاعتقاد ان الرضاعة الطبيعية و الطفل نايم بتعمله التهابات فى الاذن الوسطى.

هل الطفل اللي بيرضع وهو نايم ده بيعمل التهابات الاذن الوسطي؟!


ليه منطبقش الكلام بتاع الرضاعة الصناعية على الرضاعة الطبيعية ؟

أولا : 

اللبن الصناعى وسط ملائم جدا لنمو البكتيريا على العكس من اللبن الطبيعى اللى خصائصه و مكوناته بتخليه بالعكس بيثبط نمو البكتيريا و الميكروبات يكفى اننا نعرف ان نقطة واحدة من لبن الام بتحتوى على خلايا دم بيضاء بالاضافة لاجسام مناعية اهمها ال Immunoglobulin A.

ثانيا :

 طريقة الرضاعة نفسها بتختلف الطفل اللى بيرضع صناعى بياخد الرضاعة بالببرونة و طبعا بيحصل كتير ان كمية لبن كبيرة تتجمع داخل فمه و يحصلها ارتجاع للاذن الوسطى و ده مبيحصلش مع الرضاعة الطبيعية.
هل الطفل اللي بيرضع وهو نايم ده بيعمل التهابات الاذن الوسطي؟!
طبعا ده بالاضافة ان الرضاعة الطبيعية عموما تقلل من حدوث التهابات الاذن الوسطى وادوار البرد اللى بتعتبر سبب مهم لالتهاب الاذن الوسطى … طبعا ده مش معناه ان الرضاعة الطبيعية هتمنع تماما التهابات الاذن الوسطى لأنها من المضاعفات المعروفة لادوار البرد العادية مثلا.
دمتم سالمين
 المصدر: Dr.Ashraf kasem د.أشرف قاسم

أضف تعليق