وصفة بسكوت خفيف زي النواعم بطريقه بسيطه جدا ومقادير قليله

بسكوت خفيف زي النواعم


مقادير


  • 250جم زبده كوب وتلت تقريبا
  • 150جم سكر بودره كوب الا ربع تقريبا
  • 350جم دقيق ويا ريت دقيق خفيف
  • 100جم نشا نص كوب نشا
  • ورشه ملح

الطريقه


بتدعكي الذبده والسكر وتنزللي عليهم بالدقيق والملح والنشا وتقليبها بييبقي زي السابليه كده


وتحطي ورق ذبده ف الصينيه زي الصوره نزلتها تحت ف الكومنتات وتخطي عليه ورقه كمان وتساويها بقي بكوب او بايدك او فراده المهم تظبطيه وتقطعيه وتخرميه زي الصوره وبشوكه تخللي الحروف شكلها زي الصوره كده


ويدخل فرن سخن لمده نض ساعه او اقل بيبقي يدوب ذهبي نقفل الفرن ووتحت الشوابه دقايق من بعيد  يبقي مش محروق وانا حبيت السكر خفيف انا قللت السكر كمان عشان يتاكل مع مربي طعمه هايل وخفيف جدا


جربوه واحب اعرف رايكوا يا جماعه
المصدر:Let’s Cook – يلا نطبخ

أضف تعليق