وصفة طاجن العكاوي الملوكى بتاعت زمان من صنع ايدك


طاجن العكاوي 

الاكله دي اكله تحفه زمان كانوا بيقولوا عليها اكله الملوك لان الناس اللي بتفهم ف الأكل  بجد لازم تحبها


ازاي تشتريها

 احنا بنروح للجزار ونجيب العكوه علي بعضها اللي هيا ديل العجل يعني عجالي ويا سلام لو العجول السودا البلدي دي هو بيسلخها وبيبعه علي بعضه ف جزار بيبعه بالكيلو  وفيه لازم يبيع الديل علي بعضه  وانا جبته كده عمل تقريبا 2كيلو و150جم ده متوسط فيه من كيلو ونص لحد اتنين ونص بس الوسط احسن ليه بقي عشان الدهون ااقل فيه شويه تمام هو بيقطعه طبعا لانه عظم ناشف وبتاهديه تغسيله بس مكان ايده كده ونيجي بقي نعمله..


الطريقة 

انا مش بشوحها زي الناس ما بتعملها وهاقول ليه هيا فيها نسبه دهون انا هستفيد بيها بس بشكل محترم شويه 
ميه ف حله وفيها بصل وتوم فصين كبار وورق لاورا وجزر وفلفل حب اسود وحبهان وتغللي نسقط العكاوي فيها واي ريم نشيله ونغطي عليها بتاع ساعه ونص كده هتبقي ملبن  ونظبط الملح بتاعها زي ما نحب
وصفة ميني سندوتش بالزعتر بلبن صويا مفيد للسيدات


ونيجي بقي للمهم ننشلها من الشوربه وبصل كتير بقي بتاع 8بصلات كبار متقطعين رفيع ومعلقه سمن ونقلب البصل ولو فيه فلفل اخضر والوان رفيع چوليان ونقلب يدبل البصل كده وننزل كوبين صلصله بيوريه تقيله والشوربه بقي اللي سيبنها مش هنرميها يعني هنحطهاع البصل ونسيبه يغللي غلوه وطبعا دوقي الملح بتاعها حسب زوقك 

تعرفى على وصفة كيك بالزبادي والكيري اللذيذ


ونجيب بقي طاجن ونرص العكاوي فيه اتعملت ف اتنين عملت واحد فيه بطاطس وواحد من غير وبمعلقه مغرفه كده ونغرف اابصل والصوص معاها ف الطاجن ونرص ع الوش طماطم سلايز وع الفرن وممكن نغطيها طبعا بفويل عشان تستوي وتبقي جميله وبالهنا بجد هتعجبكوا  ومش هتبطلوا تعملوها عشان تغير عن اللحمه العاديه وهيا نفس التكلفه تقريبا
وصفة الكريم كراميل اللذيذ مع الحلويات الشرقيه
تعرفى على طريقة الكريم كراميل الشاي بلبن الجديدة والمميزة
المصدر:Let’s Cook – يلا نطبخ

أضف تعليق