وصفة كورات اللبن الرايب الرهيبة من البيت

كورات اللبن الرايب


المقادير 

  • كيلو لبن
  • اربع كوبايات ميه 
  • كوب سكر 
  • فانيلا او جوز هند 
  •  ميه ورد او زهر 
  •  عسل نحل


الطريقه

طبعا اللبن كتير مننا بينساه بره التلاجه يقطع او تغليه تلاقيه قطع لو حصل ده معاكي وملكيش نفس تعجني بيه قرص طريه زي ما عملناها قبل كده نعمل كده


نسخن اللبن هيفصل كده يبقي جزء منه زي الزبادي وجزي ميه وهو سخن هنجهز شاش نضيف او قطعه قماش قطن ونحطيها علي حله ونصفي اللبن فيها ونبرده بميه ساقعه زي عمليه البستره كده  ونعلقه علي حنفيه الحوض او حاجه ينقط منها الميه ساعه واحده وبعدين تقعدي تعجنيه بايدك كده زي ماتكوني بتعملي عجينه هتلاقيه لم معاكي وبقي كوره ومتماسكه نيجي بقي للمهم ده لو حطينا فيه ملح هتبقي زي الجبنه وممكن نزودها قشطه طازه بتبثي زي اللبنه


لكن هنعمل حاجه مختلفه شويه هنحط اربع كوبايات ميه وكوب سكر من الكوب المعياري ونسيبه يغللي ونعمل كور صغيره زي الغريبه كده واول ما تغللي الميه ننزلها لمده عشر دقايق وممكن الميه نحط النكهه اللي نحبها فقها فانيلا او جوز هند او ميه ورد او زهر انا حطيت فانيلا وتهدي النار تسيبها عشر دقايق كمان وتقدميها كده 


لما تبرد وعليها عسل نحل مسكره وحاجه نضيفه من البيت جربوها ف اللبن اللي ممكن يحصله كده عندكوا وقولوللي عملتوها بطعم ايه


المصدر:Let’s Cook – يلا نطبخ

أضف تعليق