يوم فى الجنة..حلقة 20: طعام ولبس الجنه

يوم فى الجنة..حلقة 20: طعام ولبس الجنه

يوم فى الجنة..حلقة 20: طعام ولبس الجنه

بسم الله والحمد لله والصلاه والسلام علي رسول الله
يارب ف يوم ف الجنه🌴 كل يوم قلوبنا تتعلق بالجنه اكتر لان قلبِك لما يتعلق بالجنه تسهل عليكي تضحيات كتير👌
فلوسِك الي تعبتي فيها ورغم كدا كنتي بتطلعي وتدي للفقراء والمحتاجين👍 لازم تبقي فاكره الجنه عشان تديهم وانتي ف قمه السعاده انك بتسعديهم عشان لو اسعدتيهم  ربنا هيسعدك يوم القيامه سعادة لا شقاء بعدها ابدا✋

اهلِك الي بيحتاجوكي جمبهم وساعات بيضايقوكي  وممكن يبقوا غلطانين لان هما بني ادمين وبيغلطوا  لكن انتي لازم تصبري وتفضلي بارا بيهم مهما حصل لازم تبقي فاكره الجنه عشان تضحي بنرفزتك وعصبيتك عشان تفضلي بارا باهلك 👴🏻👵
وكتير من الاوقات بتتعرض ع الإنسان أموال حرام 💵 والمال الحرام كتيير وسهل لازم تفضلي فاكرة الجنه عشان لو فاكرة الجنه مش هتبعيها عشان شويه فلوس✋

فاانا دايما بكلمكم كل يوم ف يوم ف الجنه عشان نعيييش واحنا فاكرين الجنه عشان نضحي بكل شهوات الدنيا عشان ننولها 👌
انا انهاردة جايه اكلمكم ف يوم هندخل فيه الجنه عشان نتفرج ع اكل الجنه🍇 و لبس الجنه👗
قال صل الله عليه وسلّم ( انك لاتنظرُ الي الطير يطيرُ ف الجنه فتشتهيه فيخرُ بين يديك مشويا ) 😃
ادا ازاي يعني🤔

يعني هتبقي شايفه الطائر بيطير🕊 قدامك فيبقي نفسك فيه فتبصيله فيقع قدامك مشوي 🙈🍗 طبعا في ناس هتستظرف دلوقتي وتقول طب انا افرض مش بحب المشوي عايزاه مقلي😂 هقولك متقلقيش كل الي انتي عايزاه هتلاقيه مشوي مقلي مسلوق كل الي تحبيه هتلاقيه موجود 😃
وانتي عارفه الجنه مش بتدعي فيها الجنه بتشتهي👌
قال الله سبحانه وتعالى ( ولهم فيها ما يشتهون ) ويشتهي يعني يخطر ع باله الحاجة إلى بيحبها اي حاجه تخطر ع بالِك بس تلاقيها قدامك علطول 😉

وفي ناس بتشوف الرساله دلوقت مش مستوعبين وبيقولو لنفسهم  دي بتقول اي كلام دي ولا ايه 🤔
لاء انا مش بقول اي كلام ااهو هو دا بقي معني لم يخطر ع قلب بشر❤ حاجه يستحيل هتخطر ع قلبك أو هيتصورها عقلك انتي عارفه وانا قاعدة بحكيلك دلوقت أن الطائر هينزل عليكي مشوي لو كان نفسك فيه🕊 بردو مش هتحسي بالمتعه ف كلامي لانك مش عارفه تتخيليها انما لما تبقي ف الموقف ساعتها هيبقي في متعه ونعييييم تاني خالص👌من كتر ما الجنه جمييله انتي مش هتقدري تتصوريها ✋
وقال صل الله عليه وسلّم أو قال العلماء ف تفسير الاية
( يُطافُ عليهم بصحافٍ من ذهبٍ واكواب ) سورة الزخرف
تفسير الاية ايه بقي 👇
 أن اهل الجنة هيطوف عليهم سبعيين خادم بسبعين صُحفه والصُحفه يعني صنيه ، صنيه من ذهب وكل صُحفه يعني كل صنيه فيها لون من الطعام ليس ف الأخري 🙊🙉👈🍇🍔🥙🌮 🍟
انتو شكلكو جُعتو وانا بكلمكو انا عن نفسي جُعت😂😂
طيب نكمل ……

خدي بالك انتي ممكن تاكلي تلت اربع أصناف من الاكل وكدا يبقي نعيم رهيب بالنسبالك لكن ربنا لأنه ودود وبيحبك وعايز يمتعك جابلك سبعيين اكله عشان تاكلي من الي انتي عايزاه ونفسك فيه ☺ وده كنايه عن حبه لينا وأنه عايز يضَيفنا مضايفه المحبين 👌
طوووووووويب نكمل ……
لما تبقي عايزة تفحايه🍎 مثلا او اي ثمار ف الجنينه الي ف بيتك او ف قصرك أن شاء الله انتي مش هتمدي ايدك عشان تاخديها سياتِك مش هتتعبي نفسك خالص☺  وانتي بتبصلها كدا  فرع الشجرة ينزلك لغايه عندك وانتي قاعده تحتيها 😃 قال الله تعالى

( ودانيه عليهم ظلالُها وذللت قطوفُها تذليلا )
ذُللت قطوفُها القطف الي هو الثمر الي عايزه تقطفيه  هتنزلك بمجرد انك انتي بس نفسك ان انتي تاكلي🙈
دا بالنسبه للاكل للناس الاكيله الي بتحب الاكل يعني😂

اما بالنسبه للبس بقي 👇
 سُئل النبي عليه الصلاة والسلام عن لبس اهل الجنه👗
الصحابه بتسأل النبي عن لبس الجنه هيتفَصل ولا ايه🤔
فإذا بالنبي عليه الصلاة والسلام يقول : لاا بل تشقق عنها ثمرُ الجنه ) 😳
تبقي بتدوري علي بنطلون تلاقي شجر في ثمار كبيرة تفتحي الثمرة يطلعلك البنطلون علطول👖 تدوري علي تيشيرت أو بدي تفتحي الثمرة تلاقيهم وطبعا لبس الجنه مش اي لبس كله حرير ف حرير 😃 فاانتي هتبقي ماشيه ف الشارع اللبس ف الشجر حاجه جميييله جدا لدرجه ان مرة سيدنا محمد جاله هديه من ملك من الملوك لبس حرييير 👌فالصحابه اُعجبوا بشكلها جدا كانت بدله حرير وغاليه جدا👌

فقال لهم النبي عليه الصلاة والسلام  اتعجبون من لينِها والله لمناديل سعد بن معاذ ف الجنه خيرًُ منها وألين ✋
سعد بن معاذ واحد من الصحابه إلي أن شاء الله هنُحشر معاه لو كنا احسن جيل سِمع كلام النبي وعاش بيحب النبي عليه الصلاة والسلام وبيحب يسمع كلام ربنا وبينصر ربنا سبحانه وتعالى✋
فا سعد بن معاذ مناديله ف الجنه احلا من البدله أو العبايه الحرير الرهيبه الي اتقدمت هديه للنبي والصحابة انبهرو بيها 😃

فانتي هتبقي كدا لو عيشتي بتحبي ربنا مناديلك الي ف الجنه هتبقي احلا من احلا  فستان او لبس شوفتيه ف الدنيا 👌يعني حاجه ف قمه الروعه والجمال لما المناديل بس تبقي كدا امال اللبس نفسه هيبقي عامل ازاي🙉
 انتي كبيرة اوي عند ربنا وغاليه عليه جدا  فياريت نعيش وهو غالي علينا 👉

قال صل الله عليه وسلّم ( كل امتي يدخل الجنه الا من آبي  قيل ومن يآبي يا رسول الله 🤔
مين الكائن الي يرفض أنه يدخل النعيم ده والجمال ده🤔
قال من اطاعني دخل الجنه ومن عصاني فقد آبي ✋
فخليكو دايما فاكرين الاكل واللبس الي  ف الجنه عشان نتعلق بيها ونبقا متحمسين ان احنا ندخلها ✋
❤فتاه هدفها الجنه❤
المصدر:Sara Ibrhim Heiba

أضف تعليق