3خطوات للدخول فى مجال الماركتينج

اية هى الخطوات اللى اعملها عشان ادخل مجال Digital Marketing؟

ازاى ابدء فى المجال Social Media Marketing؟



سؤال اتسألته كتير جدااا ..
هجواب عليه من خلال تجاربى وبحكم خبراتى المتواضعه فى المجال ده بس عايزك تركز
مش هدخل معاك فى كلام كبير واقولك لازم تكون محدد ال whyو whoو what
(هنتكلم عليهم فى مقال تانى لوحدها منفصل)

بس خلينا ابدء معاك فى اول الخطوات :


1_كل واشرب ماركتنج

من الاخطاء اللى بقابلها عند كل واحد داخل يتعلم Digital Marketing انه ابيض يا ورد فى مجال الماركتنج

والمصيبه الكبيرة بقى انك تلاقى رايح تاخد كورس ديجتال ويبدء معاك ديجتال ويعرفك الادوات وازاى تستخدمها

بدون مايكون عندك اى فكر او معرفة يعنى ايه تسويق اصلا !
لازم الاول تكون فاهم واكلت وشربت ماركتنج عشان الماركتنج هى المظله العامة اللى بتيجى من تحتها فروع كتير منها ومن ضمنها الديجتال ماركتنج

نصايحى ليك كالاتى :
_ابدء بقراية كتب فيلب كوتلر
_ابدء خد كورسات اونلاين عن الماركتنج(لينكدان الكنز المخفى)
_ادخل ققرى عن الحالات التسويقة وازاى طبقوها.

وهيكون فى بوست تانى عن اهم المصادر والخطه اللى تبدء بيها بعنوان كل ماركتنج خليك متابع.


2_كورس ديجتال ماركتنج مش سوشيال ميديا ماركتنج

هنلاقى بعض المفاهيم الخطأ عند بعض الناس اللى داخلة المجال جديد وهى فاكره ان السوشيال ميديا هى الديجتال ماركتنج وده غلط طبعا

عشان كدة لازم تاخد معرفة الاول عن المجال ككل وبعدها اختار التخصص اللى انت محتاج تتخصص فيه بالظبط

لان مفيش حد فى مجال دى بتاع كله والتخصصات كتيره جدا فى مجال الديجتال ماركتنج
زى مثلا:
SEO Specialis_ Social Media Specialis_ Specialis Content_ Copy writing Specialis..الخ الخ

وكل تخصص ليه طرق ان تكون مميز فيه وايه الطرق فى الشغل اللى تختلف عن التخصص التانى بس كله بيكمل بعضه فى العملية التسويقية

وطبعا مش هوصيك مواصفات المكان اللى هتاخد فيه الكورس يكون عامل ازاى (مش شرط شهادات والجو القديم ده) والمحاضر لازم يكون ازاى ( المحاضر لازم تعرف عنها كل حاجه وتعرف اراء المتدربيين عنه اية)
(هنتكلم عنها فى مقال تانى خلص عشان الموضوع كبير)

3_التطبيق ياسادة

لازم تطبق كل الللى انت خدته ياباشا عشان مش يتبخر كده
هقولك احصائية كده (اجهز للصدمة ياصديقى)
عدد المتدربيين على مجال Digital Marketing فى مصر 15 الف متدرب…
اللى جاهزين يشتغلوا فى سوق العمل منهم 1% بس!!!…
واللى شغاليين فى سوق العمل 0,5 يعنى نص 1% !!….
#ملحوظة:
احصائيه كانت قريتها فى موقع ارجيك (وبصراحه مش معايا اللينك بتاعها )

عارف ايه جزء من الاسباب دى ؟
التطبيق ثم التطبيق ثم التطبيق
فى ناس بتخلص الكورسات ومش بتلاقى مكان تطبق فيه

وده كان سؤال تانى بتسالة بس هجوبك علية

بص ياسيدى ..عندك طرق كتيرة تقدر تطبق فيها اللى اتعلمته زى اية مثلا:

1_ارمى نفسك فى حضن الانشطه التطوعية واشتغل وكانك بتاخد فلوس بس ارمى نفسك فى المكان اللى تديك خبرة مش تاخد منك من غير متستفيد.

2_اشتغل على فكره عندك وحاول تطبقها وتطبق عليها اللى اتعلمته ولو توهت اسئل اهل الخبره من خلال الجروبات او الاشخاص او شبكه العلاقات اللى انت تعرفها فى المجال ده
او روح لعمو linkedinوهتلاقى كل المعرفه عليها من خلال العلاقات اللى هتعملها هناك.

3_او انك تشتغل فى اماكن محتاجه ناس مش شرط الخبره وصدقينى كتير جدا وانا شخصيا من الوقت للتانى بيتعرض عليا ارشح ناس لشركات او مؤسسات بس انت يكون عندك الجدية والاستعداد للتطبيق.

كده عرفت معايا اجابة السؤال اللى فى بالك…

المصدر:Khaled Yousef

أضف تعليق