3 أستراتيجيات تطور بيهم شغلك اون لاين

3 أستراتيجيات تطور بيهم شغلك اون لاين
3 أستراتيجيات تطور بيهم شغلك اون لاين



كل اللي شغالين في المجال بقالهم كتير دائما بيتم توجية ليهم السؤال ده من المبتدئين علي سبيل أن الشخص يبقي ماشي بمبدأ ” أعرف اللي ليك واللي عليك”،

وده انتشر بسبب أن إحنا كـ Marketer مبنبقاش عارفين ازاي نتعامل مع أنواع الـ client المختلفه واللي أغلبهم لو أنت بتتعامل مع فئه c و B بيبقي فاكرك عصا سحريه،

فبتواجة اغلبيه الوقت معضلة مع الفئه دي مش عاوزين صرف كتير عاوزين نتائج بسرعه ويحسوا بطفرة في شغلهم اللي هو “جن مصباح علاء الدين” مش هيعمل كده😅.

3 أستراتيجيات تطور بيهم شغلك اون لاين


طب الحل ايه ؟

الحل أولا تبقي عارف انت بتشتغل اية؟

سهله بعمل Ads و بكتب content ويعني بخبط شويه وبتعلم حاجة اسمها plan وبحط ليها Kpi زي ما بيقولوا علشان مبقاش ناقصني حاجة.

عجبني انك صريح في نفسك اوي وده حلو ومش موجود في مجالنا كتير…

بس تعالي اقولك أن ده مش كل حاجة، يعني مثلا علي سبيل الحصر هنتكلم عن 3 استراتيجيات لازم تبقي عارفهم ونشوف تقدر تتطبق اني فيهم في شغلك..

1- الـ Bot

لو انت شغال علي منتج أو خدمة اونلاين تبيعها وعندك ضغط كومنتات ورسائل كتير في الافضل انك تتعلم ازاي تبني الـ Bot بتاعك،

لانه هيوفر عليك وقت ومساحة بضيع مع عميلك بسبب أن كل حد بترد عليه بياخد وقت طويل وكمان ممكن اللي شغالين في عمليه الـ Moderation مش بيلاحقوا أو بينسوا سهوا كلنا بشر.

فالـ Bot ببساعدك انك ترسم الـ funnel الخاصه بيك وطبعا معدل الـ converation بيبقي عالي علي حسبك فهمك ومعرفتك بطبيعه شغلك والـ customer.

لو حابب تبدأ فانا برشحلك الـ Manychat وده الموقع بتاعهم تقدر تتشغل بالباقة المجانيه ولما الـ Business يكبر ابقي اشترك في المدفوعه.

3 أستراتيجيات تطور بيهم شغلك اون لاين


2- الـ email marketing

ايوه هو الـ Gmail اللي انت بتسجل فيه في المواقع وبتنسى تفتحه مع أن الـ Mail ده كنز كبير،

لان ببساطة انت بتقدر تتواصل مع العميل في أوقات انت بتعود العميل عليه وبتقدر تختار اليوم والوقت الأنسب وده بتعرفة من الـ analysis والـ Dashboard.

اللي شغالين في الـ e-commerce و الـ affiliate اكتر ناس شغاله بالـ way ده

3 أستراتيجيات تطور بيهم شغلك اون لاين


تقولي طب احنا نقدر نعمل ايه بالـ mail او بمعني اصح ايه اللي نقدر نقدمة للعميل علشان يـ engage.

بص هو عموما فيه مصطلح اسمه lead magnet لازم تعمل بحث عليه،

وده ممكن نقدمة في صوره خصم لكل اللي معانا في الـ list أو محتوي معين مش هتقرا فيه غير من خلال الـ Mail وحاجات تانيه كتير اعمل بحث علي المصطلح وعيش.

لو حابب تبدأ فانا برشحلك الـ MailChimp وكالعاده فيه باقه مجانيه تقدر تبدأ وتحقق نتائج بيها.

3- الـ video marketing

أيوة عارف انك هتقولي نكتب script ونعمل تصوير عالي الجوده ونقدم Value فالناس تتفاعل معانا ونقدر نحقق awareness اكبر ويبقي lead’s كتير.

كاااات هايل يا فنان👏

3 أستراتيجيات تطور بيهم شغلك اون لاين


انا لو كلمتك في كل نقطه انت كتبتها سواء الـ script او جوده تصوير أو الـ value هناخد وقت طويل وده مش موضعنا بس اقدر اقولك حجم الاستراتيجية دي اللي بسببها في شركات متخصصة في الـ Video marketing.

ومتنساش الـ video marketing اللعبه انك توصل massage وتحقق object غير كدا يبقي ملوش لازمة الجوده أو المحتوي اللي اتقدم.

انا عاوزك تعرف أن كل اللي فوق هما استراتيجيات نقدر نوصل بيها للـ customer ونقدر نستفيد من كل فلوس ووقت بنصرفه علي الـ Business لاننا بتقدر Asset نقدر نحقق منه customer life time value.

يعني انت عاوز تقولي في الاخر أن الموضوع اكبر من الـ content والـ Ada والـ plan، او بمعني ادق أكبر من كلمتين محفوظين علشان نبان بنفهم، محتاجين نطبق ونتعلم حاجات اكتر علشان نواكب الواقع العملي.

بالظبط ومدام وصلت هنا في أنا مهمتي انتهت.

 اكتب في كومنت مهتم تعرف اكتر عن اني استراتيجيه منهم الفتره الجايه ومنشن لصحبك الـ Marketer.
المصدر: Adel Shoaib

أضف تعليق