5 أدوات تساعدك تكتب محتوى تسويقى مميز

5 أدوات تساعدك تكتب محتوى تسويقى مميز

5 أدوات تساعدك تكتب محتوى تسويقى مميز

لو أنت مبتدأ أو بقالك فتره بتكتب فأكيد بتواجهك مشاكل زي نقص الأفكار أو أنه يجيلك writer block وده طبيعي

بس المشكله إن فيه أوقات شعور بيوصلك بعد فتره إنك مش عارف تلاقي مواضيع علشان تبدأ تدور علي أفكار

ودي ليها اكتر من حل بس إحنا النهارده جايين نتكلم عن أدوات تساعدك تقصر عليك الوقت والجهد وأنت بتكتب.

1 – أداه Buzzsumo

الأداه الأقرب الي قلبي، لإنها بتبحث ليك عن كلمات أو موضوع معين أنت حابب تكتب فيه بتشوف هل اتكتب فيه قبل كده ولا لا ..؟
سامعك وأنت بتقولي بيدور فين يعني ..؟
بيدور في المواقع والمدونات وعلي مواقع السوشيال ميديا بس طبعا أنت بالـFree account ملكش كل الصلاحيات .
 بس ع العموم هو بيجيلك لمدة سنه فاتت عموما من غير اختيار مده زمنيه معينه أو بلد و منطقه محدده ودا مش مطلوب لو لسه بتبدأ، أما لو مستواك عالي والبروجكت كبير يبقي خليك فاكر مبدأ شخلل علشان تلاقي اللي محتاجه.
الأداة من هنا

5 أدوات تساعدك تكتب محتوى تسويقى مميز


2- أداه Answer the public

انا مسميها الشبكه العنكبوتيه، الأداه دي تحط الكلمات اللي عاوز موضوعات تتكلم عنها تبدأ ترسم ليك خريطه ذهنيه او شبكه مرتبطه بالكلمه دي.

هتقولي بس في أوقات بتطلع اسئله ومواضيع عاديه جدا!

اقولك هيا دي مشكلتنا الأساسيه إننا محتاجين كل حاجه ع الجاهز على العموم زي ما قولت دي أدوات للمبتدئين والمحترفين .

فأنت لو محترف يبقي مفروض تبقي عارف إننا بناخد أفكار ونعمل ليها sheet ونبدأ نعمل mix محترم،

وممكن تشوفها  من نظره مختلفه؟

 فهتلاقي إن الشبكة دي ماهي إلا تفصيل الموضوع من نقطة الصفر بأسئلة عن التعريف والأنواع لحد الأحتراف ومستوي الأستراتيجيه فإنت ممكن تاخد منها دليل محترم بس اللي يفكر ويركز.

الأداة من هنا

5 أدوات تساعدك تكتب محتوى تسويقى مميز


3- موقع feedly


الموقع بيقدر يبحث عن الكلمه اللي إنت عاوزها في المواقع والمدونات المختلفه من غير ما تتعب نفسك.
 تقدر تشوف الأداة من هنا

4- أدوات تعديل المحتوي

النقطة اللي معظمنا بيقع فيها، مينفعش تبقي بتكتب محتوي تسويقي ويبقي عندك اخطاء لغويه أو إملائيه زي كدا ..

علشان كده في مرحلة الـ edit علي المحتوي ياما إنت بتركز جداً في ده أو بتخلي حد يساعدك.

5 أدوات تساعدك تكتب محتوى تسويقى مميز


طب لو مفيش؟
يبقي بنلجأ لأدوات دي اكتب صح وده اللينك بتاعها هنا

أو غلطاوي من هنا

والأتنين بيساعدوك في عملية التصحيح التلقائي بس الحقيقه هيا مش كافيه بس حلوه كمجرد بداية.

5 أدوات تساعدك تكتب محتوى تسويقى مميز


5- أداه content row

ودي بقي الكريزه اللي بتساعدك تزين التورته وتجذب العميل..
الأداه بتساعدك في أختيار الـ Headline قوي للموضوع اللي انت شغال عليه، بس هيا مشكلتها انها شغاله انجليزي بس فإنت خد الـ concept واشتغل إنت.

الأداة من هنا

تقولي اشمعنا قولت عليها الكريزه لأن الـ headline من أهم أدوات attract اللي بتساعدك العميل أنه يـ engage
تقدر تعرف اكتر من  هنا

ولو لسه عاوز تبدأ أو تطور مستواك في المحتوي تسويقي فتبدأ من هنا
المصدر: Adel Shoaib

أضف تعليق