5 اخطاء تخسر بيها عميلك اون لاين on line

5 اخطاء تخسر بيها عميلك اون لاين 

5 اخطاء تخسر بيها عميلك اون لاين on line


كلنا بنسأل ازاي نوصل للعميل الصح لكن محدش بيسأل إزاي احافظ علي العميل اللي وصلتله.بس في أوقات الضغط في شغلنا بيبقى فية شوية أخطاء، مع التكرار بيبقى في ازمة سعتها بتحصل بتمنع العميل انه يجيلك ويتعامل معاك.احنا جايين النهاردة نوضح 5 اخطاء المفروض متعملهمش عشان متخسرش عميلك.


5 اخطاء تخسر بيها عميلك اون لاين 

1- الأنقطاع:
للأسف كتير مننا بيبقى متحمس في البداية و يبقى شغال علي الـ Online بكل طاقتة، و لكن مع عدم وجود المردود و التفاعل الأيجابي اللي هو متوقعة تبدأ طاقتة في العمل تقل.ومع استمرار الحالة دي بيبدأ يهمل تفاصيل و يفقد تركيزه مع العميل، وطبعا دة راجع لمشكلة اكبر وهي ان مفيش خطة واضحة ماشيين عليها ولاKPI’s تقولنا احنا وصلنا لفين.وهنا احنا بنتكلم ان عميل الـ Online انت اللي محتاجة لانه هو عندة اكتر من فرصة مع منافسين غيرك في نفس الوقت،فـ لو انت مقدرتش تجذبة ليك وفضلت معاه بصفة دورية تقدملك الخدمات والأحتياجات اللي عاوزها وانقطعت عنة،.فهو هيفضل يروح لمنافس يهتم بية لان السوق مفتوح قدامة من مميزات مختلفة وفي الأخر انت الخسران في الحالة دي.قبل ما تبدء علي الـ Online اعمل حسابك إنك لازم تستمر.

5 اخطاء تخسر بيها عميلك اون لاين on line



2- التحفيز:
العميل علي الـ Online ذكي جدا وبيبحث وبيشوف منافسين وعروض 24 ساعة زي ما قولنا في الفقرة السابقة،فانت لازم تبقى مركز انك تعرف اية الدوافع Trigger والعواطف Emotional اللي تلعب عليها علشان تحفزة انه يختارك انت وميروجش للبديل.
اللعبة هنا مش فكرة عروض و خصومات، اللعبة هنا في فهم الـ Customer Behavior وتطبيقها بشكل صحيح.

3- الوعد:
علشان تجذب العميل بتبدء تفول كلام انت مش هتقدر تعملة، او تتكلم عن حاجات فوق مستوي توقعات العميل وفوق قدراتك التنفيذية علي أساس انك كدا هتجيب Leads كتير و تعمل Boom.بس للأسف احب اقولك انك بتعمل في الـ Business بتاعك اكبر خطا ممكن يكسر الـ Brand من المردود السلبي للعملاء و في الأخر اللعبة بتاعتنا هيا لعبة ادخال صورة ذهنية في دماغ العميل.

انت لو موافقتش بالوعد العميل علي الـ Online مش بينسى و بيفضل فاكر واحتمال كبير يهاجمك زي ما حصل مع شركة TODO في أمم افريقيا 2019 لما وعدت عملائها علي صفحة الفيس لو مصر كسبت مصر غانا هنوزع تودو برونس ببلاش.طبعا هو الـ Marketer هنا مكذبش لانه فعلا بيوزعوا TODO كجزء من الـ Promotion في بعض الأماكن بس الوعد كان مفتوح منه فخلي العملاء ع الصفحة سعتها يهجموة ويقولوا فين الـ TODO ؟ .وهنا حصل إنك عليت توقعات العميل واللي حصل اقل من كدا بكتير، بلاش توعد علشان توصل اسرع خليك قد قدراتك عميل الأون لاين مبيهزرش.

5 اخطاء تخسر بيها عميلك اون لاين on line



4- الثقة:
مشكلتنا اننا بنجري ورا حلم تحقيق اكبر عدد من المبيعات او أي هدف تسويقي يعود ع البيزنس بتاعنا باستفادة،اكتر من اننا ناخد ثقة العميل ونقدملة فعلا الحاجة اللي محتاجها بجودة تعجبة و اللي هي من اساسيات لنجاح العملية التسويقية الخاصة بالـ Brand.ودة يخلينا نركز علي عرض الخدمة او المنتج بشكل خيالي علشان يعجب العميل مع ان اللعبة الأول المفروض انك تحاول تجذب العميل يمشي معاك في Stages معينة و تخلية يجرب معاك و يااااه لو اديتة هدية مجانية في الأول علشان ياخد ثقة منك.لو عاوز تعرف اكتر عن الـ Stages اللي بيمر بيها العميل اقرء المقال دة: هنا

انت لما تحصل علي ثقة العميل مش هتبقى محتاج أي عروض او خصومات رهيبة او وهمية اهو هيجيلك سعتها لانه عندة Customer Experience حلوة من الحاجة اللي جربها معاك مجانا قبل كدة وعجبتة.فبلاش تطلب أي حاجة من العميل علي الـ Online غير لما تبقى خلاص انك صلت لمرحلة الثقة.

5- الـ Responding:
اللي شغالين في الـ E -commerce خاصة واللي بيبع أي شي علي الـ Online فاهمين أهمية الـ Respond دي كويس جدا.للأسف بنلاقي بقلة وعي و خبرة علي الـ Online إعلانات تعالي هتشتغل تردعلي الكومنتات و الرسايل بمرتب كذا، فالانطباع اللي يجيلك سعتها انها وظيفة سهلة واللي شغالين فيها مبيعملوش حاجة.
و العكس تماما الـ Moderation وظيفة اللي شغال لازم يكون فاهم Marketing كويس جدا زيك او احسن منك.لانه هو بيبقى فارق في نجاح الشغل بتاعك وانه ينجح الـ Community بتاعك،لو فية Campaign شغالة هو فارق جدا في نجاحها لانة يعتبر في مرحلة نقل العميل من مجرد Visitor الي Prospected customer و اللي هيا من اهم خطوات الـ Funnels والـ Inbound Methodology stages اللي إتكلمنا عليهم فوق.

5 اخطاء تخسر بيها عميلك اون لاين on line



لو مقريتهمش انصحك تطلع فوق تدوس عالـ Link وتقرأه بعد ما تخلص.
وفي نفس الوقت بردوا الـ Moderation بتاعك لو حصل Crisis زي Brand attack مثلاً، لومش عندة وعي كافي ممكن برد واحد يدمر الـ Brand وفية امثلة كتيرة علي كدا.



فياريت نركز مع الـ Moderation ونتعلم كلنا فن الرد علشان منضرش البيزنس بسبب خطوة زي دي.انا عارف دلوقتي انت عاوز تقول اية، انت فهمت اللي فات بس ناقص شوية حاجات عاوز تفسير و معلومات اكتر زي الـ Trigger و الـ Emotional وتاثيرها.

5 اخطاء تخسر بيها عميلك اون لاين on line


اكتبلي اية المواضيع اللي الفترة الجاية عاوزنا نتكلم فيها ومتنساش شير ووصل المعلومة لغيرك.

المصدر: Adel Shoaib

أضف تعليق