6 خطوات لعمل بحث تسويقي ناجح ومميز

 6 خطوات لعمل بحث تسويقي ناجح ومميز 

 6 خطوات لعمل بحث تسويقي ناجح ومميز




البحث التسويقي اتكلمنا علية وعرفناه هو الخطوة الاولي في عملية التسويق فالشركات تحتاج دائما معرفة ما يجري في الأسواق ، و قياس تغير اذواق الجماهير ومعرفة سلوكهم الشرائي لانه متغير طول الوقت ، لذلك الشركات بدات تفكر في تجميع معلومات دقيقة و كافية لاتخاذ قرارات صحيحة.وعرفنا عدم امتلاكك للمعلومة الكافية جعل بعض الشركات العالمية تقع في أخطاء كارثية .. تقدر ترجع ليها من هنا :  ما هو التسويق؟ وهل لو ممكن اخسرشركتى؟

طب دلوقتي انا فهمت ان البحث التسويقي مهم ، وازاي هو بيربط الشركة اوالمؤسسة بالسوق و الجمهور.ازاي اقدر استفيد بالمعلومات دي اكتر من كدا ؟بص هو علي حسب انت في اني مرحلة ، يعني لو انت في مرحلة إنتاج المنتج فانت بالبحث التسويقي تساهم بدراسة الأسواق المستهدفة ، ومعرفة حجم العرض و الطلب ، بتشوف فجوة او مشكلة في السوق تقدر انت تحلها من خلال منتجك.

 6 خطوات لعمل بحث تسويقي ناجح ومميز




و هكذا بردوا البحوث التسويقية تساهم في متابعة المنافسين و أسعار السوق و تحديد المشاكل،ومعرفة احتياجات العميل و تحليل قرارهم الشرائي و معرفة مناطق توزيع جديدة و قياس مدى رضاء العملاء .طب الموضوع شكلة كبير و فية كذا مرحلة بنعدي عليها و خطوات كتير ، طب ازاي بحدد هبدء باية او همشي ازاي ؟الموضوع بسيط احنا عندنا طرق او أنواع مختلفة للبحث التسويقي كل واحد بيختار الطريقة المناسبة للشركة سواء من حيث الحجم او البيزنس موديل اللي شغال علية .

عناصر المقال

اول نوع :

يسمي ” الاستطلاع / الاستكشاف/ الملاحظة ” و هنا بيتم عمل البحوث التسويقية بغرض استكشاف مشكلة بعينها و بناء فرضيات وحلول مناسبة .مثال لو ارادت شركة طرح منتج او حملة إعلانية فهيا تبحث و تلاحظ احتياج الافراد و سلوكهم الشرائي بخطوات معينة و تقيس مدي تفاعلهم معها.

ثاني نوع :

يسمي ” الوصفي ” وهنا بيتم عمل البحوث التسويقية بغرض الكشف عن أسئلة بعينها وتكوين داتا بشكل معين يساعد علي اتخاذ قرار..مثال لو ارادت شركة ما معرفة بعض الخصائص مفضلة لدي العملاء او الجمهور المستهدف لكي تستخدمة في منتجها القادم.

ثالث نوع:

 يسمي ” التجربة او الأختبار ” وهنا بيتم عمل البحوث التسويقية بغرض تجربة او اختبار بعض العينات اوالمنتجات المختلفة باختلاف العوامل الموثرة في كل تجربة.ثم دراسة كل تجربة و نتيجتها بهدف مساعدة الشركة في هدفها و اتخاذ القرارات.

مثال عندنا مجموعتين من الجمهور ، بنعرض عليهم المنتج مع اختلاف بعض الخصائص اللي بنظهرها لكل مجموعة في العرض.بنبدء نشوف المجموعات و ميولهم الشرائية و ندرسها ، و في الأخر بيساعدنا في صنع الأعلان اللي هيعرض ع الجمهور ومدى قوتة.طب دة الموضوع طلع بسيط اهو …هعرف ازاي بقى اللي انا اخترتة هو المناسب و اية الخطوات اللي مفروض امشي عليها علشان البحث التسويقي يكون احترافي 


 6 خطوات لعمل بحث تسويقي ناجح ومميز




 البحث التسويقي

 هو خطوة اولي في العملية التسويقية تساهم في صناعة القرارات الخاصة بالشركات ، تقوم علي اتباع المنهج العلمي في خطواتها ، للتعرف علي مشكلة او وضع الحلول لها 

يعني اية بقى اتباع المنهج  علمي ؟

يعني ببساطة الخطوات اللي بيتبعها الباحث تمر بعدة مراحل  :
* مرحلة المشاهدة ومعرفة مشكلة بعينها و ملاحظة اعراضها .
* مرحلة الفروض وهي مرحلة يضع فيها  الباحثين تصورات و أسباب المشكلة و حلول مقترحة .
* مرحلة اختبار الفروض وهي مرحلة معرفة صحة الفروض من عدمها و ما نتج عنها .الموضوع كلة عبارة عن خطوات في خطوات !دة حقيقي علشان كدة مش هتقل عليك اكثر من كدا و تعالي نبسط مع بعض خطوات البحث التسويقي من البداية للنهاية 
الخطوة الأولي  ” تحديد المشكلة و التعرف عليها ” و في الخطوة الشركة بتلاحظ مشكلة ما بتمثل خطر او تهديد عليها علي سبيل المثال مشكلة انخفاض المبيعات هنا الشركة عاوزة تعرف هل دا حدث بسبب ظهور منافس جديد ،الأسعار المطروحة عالية ، يوجد شكاوي كثيرة من الجمهور حول المنتج المطروح في السوق و هكذا ومن هنا يبدء البحث.

الخطوة الثانية ” اختيار هدف البحث ” باختلاف طبيعة المشكلة اللي بيعالجها البحث بيختلف الهدف و في عوامل موثرة اخري  حجم المشكلة و الموارد الموجودة . و علي سبيل المثال مشكلة المبيعات يمكن الهدف من البحث هو معرفة المناطق التي انخفضت فيها نسبة المبيعات او معرفة الفترات الزمنية التي انخفضت فيها المبيعات اكثر من فترات اخري و هكذا .

الخطوة الثالثة ” تصميم و تحديد مصادر البحث ” هنا انت بتفكر اية الطرق المناسبة  للاستخدام في البحث واي نوع من البيانات تحتاجها و ما المصدر  المعتمد علية في عملية البحث فهناك مصادر أولية (مصادر انت تقوم بجمعها بشكل مرتب و منظم سواء عن طريق استبيان – مجموعات النقاش – مقابلة شخصية). ولكن فية عوامل مؤثرة في نجاح ذلك المصدر لكي تأخذ بيانات واقعية ،  ومصادر ثانوية  ( الوزرات – مراكز البحوث – التقارير المنشورة من الأجهزة المعنية  سجلات الشركات – الصحف و الأعلام ).


 6 خطوات لعمل بحث تسويقي ناجح ومميز


الخطوة الرابعة ” تنفيذ و تجميع البيانات ” يبدء التنفيذ و يبدء في استخدام اكثر من مصدر بأكثر من شكل علي حسب الموارد المتاحة فمثلا استخدام المقابلة الشخصية علي ارض الواقع ، اما استخدام المقابلة عبر الهاتف ،استخدام الأستبيان و ارسالة عبر الأيميل ام سنتواجد في بعض المناطق و الحصول علي الأجابات من الجمهور علي ارض الواقع كل ذلك لة طرق في جمع البيانات توثر علي صحة الخطوة .

الخطوة الخامسة ” تعبتر المرحلة النهائية ومن خلالها ياما نحصل علي داتا رقمية او داتا غير رقمية و هنا بنبدء بكتابة التوصيات اللي طلعنا بيها من عملية البحث باستخدام البيانات المتاحة .

الخطوة السادسة ” كتابة التقارير ” هنا بيتم كتابة ملخص بسيط للعملية التسويقية وما وصلنا الية من نتائج لمساعدة الأدارة في اتخاذ القرار المناسب في هذا الشأن .

 6 خطوات لعمل بحث تسويقي ناجح ومميز


انا كدة جمعت الصورة وعرفت لية البحث التسويقي حاجة مهمة في البيزنس عموما و فهمت ان البحث التسويقي بيتعرف علي مشكلة و بيبدء يجمع معلومات ،وبيانات ويبدء يحللها و يستخدم النتائج بعد كدة في اتخاذ قرارات تناسب مصالح الشركات او الموسسات.حلو مدام وصلت هنا يبقى انا كدة مهمتي انتهت، اشوفك علي خير المرة الجاية .

اكتبلي من وجة نظرك برغم أهمية البحث التسويقي  لية محدش بيستخدمة .



ولو حابب تتعمق اكثر اكتب في كومنت إيميلك وانا هبعتلك كتاب يفيدك جدا في النقطة دي.

المصدر: Adel Shoaib

أضف تعليق