6 عناصر اساسية لبناء البرند brand على السوشيال ميديا Social Media

6 عناصر اساسية لبناء البرند brand على السوشيال ميديا Social Media

6 عناصر اساسية لبناء البرند brand على السوشيال ميديا Social Media


معظمنا عارف أهمية الـ Social Media بالنسبة للبيزنس وبناء البراند، وانها الأداء الأقوى لجذب العملاء بكل سهولة في هذا العصروالأقل تكلفة.بس أحيانا بنبقى متخوفين لنبقى متجهين في الطريق الغلط أو مش عارفين ازاي نبدء بشكل صحيح وفعال.علشان كدة النهاردة جايين نتكلم عن 6 عناصر أساسية لازم تاخد بالك منهم وانت شغال لتحقق نتائج مرضية للبيزنس بتاعك .

6 عناصر اساسية لبناء البرند brand على السوشيال ميديا Social Media

1- تحديد الجمهور المستهدف
زي ما قال seth godin وهو من أهم رواد مجال التسويق ” everyone is not your customer”..يعني مش أي حد هو عميلك، ودا لية علشان العملاء طبيعتهم و احتياجتهم و طريقة تفكيرهم وطريقة اتخاذهم قرار الشراء مختلفة تماما.وكل واحد منهم لية طريقة معينة في التحدث معاه و عدم معرفتك بية هيخسر جزء من وقتك و مجهودك ع الفاضي و النتائج مش هتبقى مرضية.كل ما تكون محدد جمهورك صح بتقصر علي نفسك كتير
حابب تعرف ازاي تحدد جمهورك بسهولة خطوة بخطوة من هنا :ازاى تحدد عميلك وتسوق له خطوة بخطوة Buyer persona

6 عناصر اساسية لبناء البرند brand على السوشيال ميديا Social Media



2 – تحديد الهدف
تسال كثير من اللي شغالين علي الأون لاين أنت بتعمل اية يقولك بقوم البيزنس بتاعي اهو بحاول يعني،فتسالة طب آية هي الأهداف التسويقية اللي أنت كاتبها لشغلك؟يقولك كاتب ان الناس تعرفني.. تقولة حلو و بعدين.. تلاقية سكت !!معرفة الأهداف وتحديدها والعميل هتبدء معاه باني هدف وهو فين في المسار التسويقي بتاعك ع السوشيال ميديا دا امر أساسي للبيزنس بتاعك ولازم تبقى دارسة كويس ومحددة 
وتقدر تعرف اكتر من هنا http://bit.ly/2JVi66G اشهر أنواع الأهداف ” بيع – تعريفي – براند – تواصل – خدمة عملاء “

3- دراسة السوق والمنافسين
انا مش عارف لية مفيش تفاعل معايا من جانب العملاء المستهدفين ولية الناس بتروح لصفحات تانية غيري ويشتروا منهم ،كلام كتير زي دة ممكن يكون حصل معايا ومعاك مرة بس لو دة اتكرر يبقى المشكلة عندك في البيزنس .أنت معملتش بحث سوق وعرفت السوق والعميل محتاج اية واشتغلت علية ودة طبعا لأننا زي ما قولنا فوق معملناش تحديد للجمهور المستهدف بطريقة صح.دة غير عدم دراستك للسوق والمنافسين ممكن تخليك تنزل وتتفاجئ ان اللي أنت شغال فية فية جودة احسن منها اوسعر ارخص منك اللي هو أصلا ممكن ميبقاس فية ميزة عندك تخلي العميل ينجذب ليك.ودة بسبب خطوة أنت معملتهاش من الأول.
لو حابب تتعمق و تعرف ازاي بندرس السوق من خلال البحوث التسويقية فالمقال دة هيساعدك :تعرف ايه عن السوشيال ميديا social media marketing يا مرسى

6 عناصر اساسية لبناء البرند brand على السوشيال ميديا Social Media



4- كتابة المحتوي التسويقي
تسال الناس أنت بتكتب لية ولمين الكلام اللي بتنزلة يوميا دة، يقولك هما قالوا اننا منبعدش عن عميل الأون لاين علشان ميهربش منك.ده علي أساس انك محدد مين هو عميلك المستهدف ؟؟ع العموم هو الكلام يبان صح جدا..بس هل أنت بتكتب اللي العميل عاوزة ولا بتكتب اللي هو سد خانة وخلاص والبوست لازم ينزل علشان الصفحة متبقاش فاضية.هنا أنت لازم تفهم أصول لعبة كتابة المحتوي واية الأدوات اللي بنستخدمها واية الأستراتيجيات في الكتابة وأنواع المحتوي وطريقة الكتابة الأنسب لجمهورك،واختلاف المحتوى من موقع لموقع ومن عميل لعميل وازاي تحلل المحتوي بتاعك وتقيمة وحاجات تانية كثيرة جدا .
الموضوع طلع كبير اووي!شوفت ازاي بس الفكرة كلها كبير بس نقدر نتعلمة و نشتغل صح و نحقق نتائج، احسن ماحنا بنضيع البيزنس بتاعنا وفلوس الناس .الفترة الجاية هيبقى فية مقالات عن كتابة المحتوي بشكل مفصل وبسيط.

5- القنوات التسويقية
وهنا بلاقي الناس شغالة علي المنصات فبسأل لية كدة أنت في مصر مثلا وشغال بتنزل حاجات على سناب شات وتويتر !لية أصلا ؟؟جمهورك موجود في انستجرام و فيس بوك ويوتيوب، ودة مش كلامي دة كلام احصائيات عالمية اللي بتصدر كل سنة ،
بس فكرة انك شغال علي كل المنصات مش بس حرق مجهود ع الفاضي دة يبين ان مفيش هدف ولا تحديد جمهور ولا دراسة سوق ولا محتوي صح اللي هو شغال كدة علشان يتقال اني شغال ومش مقصر.زي مانت شايف تحديد الجمهور وكتابة المحتوى و الهدف بردوا مربوطين بالقنوات التسويقية كلة بيوصل لدائرة واحدة في الآخر وهي نجاح البيزنس.

6 عناصر اساسية لبناء البرند brand على السوشيال ميديا Social Media



6- الخطة
لو أنت وصلت هنا فاحب اقولك انا خليت الخطة في الأخر علشان أجاوب علي السؤال المتكرر نعمل خطط لية مدام احنا عارفين شغلنا ولا لا نضيع وقت واجتماعات وتعديلات ع الخطة.

الـ6 عناصر اللي فاتوا لو موجود خطة حقيقية استحالة يكون فية تقصير موجود في شغلك،لان مش بس هما من اساسيات أي خطة تسويقية لا .بل الخطة بتخليك تحط مؤشرات قياس لكل نقطة فيها وخطوات تنفيذية أنت بتبقى عارف وقتها ماشي صح و لا لا.و الخطة هنتكلم عنها بالتفصيل وازاي نعملها خطوة بخطوة في مقال قريب، بس لو حابب تعرف أكثر روح علي جوجل و اكتب SOSTAC MODEL .

6 عناصر اساسية لبناء البرند brand على السوشيال ميديا Social Media



احنا كدة اتكلمنا عن 6 عناصر هل دول بس اللي موجودين اكيد لا بس لما انت تصلحهم اضمنلك اختلاف في النتائج 100%
عاوزك تقولي اية في العناصر ناقصك وعاوز تعرف اكتر عنه الفترة الجاية وانا اساعدك و متنساش تعمل شير و منشن ووصل المعلومة لغيرك.


المصدر: Adel Shoaib

أضف تعليق